როგორც ჭოხონელიძემ "რეიტინგს" განუცხადა, გარემოცვა პრემიერს ინფორმაციულ ვაკუუმში ამყოფებს, რაც, როგორც თავად პრემიერზე, ისე ქვეყანაზე კარგად არ აისახება.

"დიახ, მე მას ვთხოვე, გლახუნასავით ჩაიცვას და ხალხში გავიდეს, რათა გაიგოს, სინამდვილეში რა ხდება ქვეყანაში. ბიძინა ივანიშვილს ძალიან კარგად ვიცნობ და ვიცი, როგორი პიროვნებაა, მან რომ ყველაფერი იცოდეს, რაც თუნდაც კულტურის სფეროში ხდება, ამას არ დაუშვებდა. კულტურის სფეროს დღეს ვითომ '' ქართული ოცნების'' მხარდამჭერი, სინამდვილეში კი '' ნაციონალებიდან'' შემოპარული ადამიანები ლობირებენ, რომლებიც დანაშაულის ტოლფას ქმედებებს ახორციელებენ. მათ საქციელზე ბატონ ბიძინას ნათელი წარმოდგენა რომ ჰქონდეს, არავითარ შემთხვევაში არ დატოვებდა იქ, სადაც ახლა არიან. ის უბრალოდ საინფორმაციო ვაკუუმშია და ამას სრული პასუხისმგებლობით ვაცხადებ. ამასობაში კი, ასე ვთქვათ, ე.წ. ''ქართული ოცნების'' '' ნაციონალები'' უკვე ახერხებენ იმ საქმეების ჩაფარცხვას, რომლებზეც მათ ვერავინ შეედავება. ამას ჰქვია, უპატრონო ეკლესიას ეშმაკები დაეპატრონნენო", - აცხადებს თამრიკო ჭოხონელიძე.