დედაქალაქის მერია, ქალაქში მდებარე საავტომობილო ხიდების რეაბილიტაციას იწყებს, თითოეულ ხიდს კვალიფიციური კვლევა ჩაუტარდება. სარეაბილიტაციო სამუშაოები ორი თვის განმავლობაში, ეტაპობრივად უქმე დღეებში, ღამის საათებში ჩატარდება.

"ბარათაშვილის ხიდის გამოკვლევასთან დაკავშრებით, ღამის 24:00 საათიდან კვირის 08:00 საათამდე მოხდება გადაკეტვა სარაჯიშვილის მეტროსთან მდებარე ხიდების, ასევე ხვალ, შაბათს, დილის 07:00 საათიდან, ორშაბათს, დილის 07:00 საათამდე მოხდება მოძრაობის შეფერხება მარჯვენა სანაპიროზე, ვეფხისა და მოყმის მიმდებარე ტერიტორიიდან, თამარ მეფის ხიდამდე, თამარ მეფის ხიდთან არსებული ქვასაშიში ზონის ბადეებით შეფუთვის სამუშაოებთან დაკავშირებით", - განაცხადა თბილისის მერიის კეთილმოწყობის საქალაქო სამსახურის უფროსმა, გიორგი ყოჩიაშვილმა.