„ახალი საქართველოს“ ლიდერის გიორგი ვაშაძის თქმით, ხელისუფლებამ მშვიდობიან პროტესტს აღვირახსნილი ძალადობით უპასუხა. როგორც გიორგი ავშაძემ განაცხადა ამას შესაბამისი პასუხი მოჰყვება, რადგან ძალადობა საქართველოში არავის არ გასვლია:

„ხელისუფლებამ გადაწყვიტა, რომ პირდაპირ ძალადობაზე წავიდეს, მე მივმართავ სამართალდამცავებს: ეს არის უკანონო ქმედება და ამ უკანონო ქმედებას შეუძლიათ, რომ არ დაემორჩილონ . მესმის ამ ადამიანების, რომელსაც „დუბინკები“ ჩამოკიდეს და ბრძანება მიიღეს, მაგრამ ყველამ იცოდეს, საქართველოში ძალადობა არ გასვლია არავის და მითუმეტეს არ გაუვა ამ ხელისუფლებას 2018 წელს და მიღებს შესაბამის პასუხს. ჩვენ სრულებით მშვიდობიანად ვიყავით ამ აქციებზე, პასუხად კი მივიღეთ აღვირახსნილი ძალადობა ხელისუფლების მხრიდან. ამას ექნება საკადრისი პასუხი, არ გეგონოთ შეგრჩებათ, ის რასაც აკეთებთ. კიდევ ერთხელ მოვუწოდებ ყველა ოპოზიციურ პარტიას, მობრძანდით აქ და საერთო სამოქმედო გეგმა შევიმუშავოთ ამ ძალადობის წინააღმდეგ.“- განაცხადა გიორგი ვაშაძემ.