ინციდენტი რუსთაველის გამზირზე - სამართალდამცავები გაშლილ კარვებს შლიან, აღნიშნულს შეკრებილი საზოგადოების პროტესტი მოჰყვა. საკრებულოს წევრი ლევან ხაბეიშვილი აცხადებს, რომ მინისტრის მოადგილე, რომელმაც შვილმკვდარ მამებს პირობა მისცა არ დაშლიდა კარვებს, პირობებს არღვევს:

„დაშალეს კარავი, მარტივი კითხვაა, კარვის დაშლაა ამ ქვეყანაში პრობლემა თუ მკვლელების დადგენა? ამათ გონიათ, რომ კარავს თუ აიღებენ შვილმკვდარი მამები პასუხებს მიიღებენ? სამწუხაროდ მინისტრის მოადგილემ რომელმაც პირობა მისცა შვილმკვდარ მამებს მოიპარეს ნიკა მელია და შემდეგ კარვები, მე როგორც რიგითი მოქალაქე მზად ვარ ამ უთანასწორო ბრძოლაში ამ ადამიანებთან ვიდგე, მოქმედებენ ქურდულად, ძალადობრივად, ორგანიზებულად დაშალეს კარვები, ასე ორგანიზებულად რომ იქცეოდეს ეს ხალხი მკვლელობის გამოძიებაში უკეთესი იქნებოდა“, - განაცხადა ლევან ხაბეიშვილმა.