"ბარემ თქვან, რომ ფეხებზე მკიდიხარ სარალიძე და გა**ვი სახლშიო"- სარალიძე გახარიას ზეწოლაში ადანაშაულებს და შს მინისტრის გადადგომას ითხოვს

პოლიტიკა - 13:44, 11 Jun, 2018

2633

ხორავას ქუჩაზე მოკლული მოზარდის მამა ზაზა სარალიძიე შინაგან საქმეთა მინისტრის გადადგომას ითხოვს, ზაზა სარალიძის თქმით, გიორგი გახარიას თანამდებობაზე არ უნდა დარჩეს რამდენიმე მიზეზის გამო, ერთი მიზეზი არის ის რომ მან დღეს მოქალქეებს მშვიდობიანი აქციის ჩატარების საშუალება არ მისცა:

„საზოგადოება კარგად ხედავს, რომ პირდაპირ ზეწოლაზე გადმოდიან. რა მარაზმის წინაშე ვდგავართ. ესე იგი უკვე პოლიციამაც გაგვწირა, ანუ გახარიას გადადგომა ტყუილად არ მომითხოვია. გახარიას გარეშე მაგ ნაბიჯს ვერავინ ვერ გადადგამდა. ესე იგი ზეწოლაზე მოდის, მეც ბოლომდე გავაგრძელებ ბრძოლას. პოლიციას რომ მოუწოდებ, რომ მშვიდობიანი აქციის მონაწილეები დაარბიე და ზეწოლა განახორციელეო, ის მინისტრი კი არა არავინ აღარ არის. ჩათვალეთ რომ გახარია მინისტრი აღარაა, ადამიანმა რომელმაც ბრძანება გასცა, რომ მშვიდობიანი მოქალაქეები დაარბიე, ის მინისტრი აღარაა უკვე.“- განაცხადა სარალიძემ.

შვილმოკლული მამის თქმით, სამართალდამცავი ორგანოები ცდილობენ რომ საქმეში მონაწილე რიგითი პირის დაკავებით, ხელი დააფარონ უფრო დიდ დამნაშავეს. სარალიძის თქმით, ის რომ შსს-ს მორიგი გამოძიების დროს ისევ ცდილობს საქმის მიჩქმალვას, გახარიას თანამდებობიდან წასვლის კიდევ ერთი საფუძველია:

კი ბატონო წაუყენეს ბრალდება მორჩაძეს, მაგრამ ვინ თქვა ეს, მიხეილ კალანდიამ? ესე იგი ეს პირდაპირი საფუძველია იმისა რომ გაწირეს ვიღაც მერაბ მორჩაძე, რომელიც გაამყარებს უკვე მიხეილ კალანდიას ჩვენებას. ვის ეთამაშებიან, რა სისულელეს აკეთებენ? კიდევ მეტყვის ვინმე რომ გახარია გადასაყენებელი არ არის? გამოჩიჩქნეს ვიღაცა იმისთვის, რომ გააპრავონ კალანდია, რომელმაც შეცვალა ჩვენება სასამართლო ჩვენება სასამართლო პროცესზე , ვითომ მერაბ მორჩაძე ახდენდა მასზე ზეწოლას. რა უნდათ, რას თამაშობენ, ბარემ თქვან რომ ფეხებზე მკიდიხარ სარალიძე და გააჯვი სახლშიო, ტვინი აღარ აქვთ თავში არცერთს? რაღაცა რეალური მაინც გააკეთონ.“- განაცხადა ზაზა სარალიძემ ტვ პირველის ეთერში.