HBO-მ ოფიციალურად დაიწყო მუშაობა Game of Thrones-ის პრიქველის საპილოტე ვერსიაზე. ავტორი კვლავ ჯორჯ მარტინი იქნება, ხოლო სცენარისტი ჯეინ გოლდმანი.

პრიქველი ათასობით წლით ადრე მომხდარ ამბებზე იქნება, სადაც ვესტეროსის ისტორიის თავზარდამცემ საიდუმლოებებს, თეთრი მოსიარულეების წარმომავლობის ისტორიას და სხვა ამბებს გავიგებთ. პრიქველის პრემიერა GOT-ის ბოლო სეზონის დასრულებამდე არ შედგება. ანუ დაახლოებით 2020 წლამდე.

HBO-ს ისტორიაში ეს იქნება პირველი შემთხვევა, როდესაც ორიგინალ სერიალს პრიქველი ექნება.

მანამ კი უნდა დაველოდოთ 2019 წელს, რადგან HBO-მ ოფიციალურად დაადასტურა, რომ Game of Thrones-ის ფინალური, მერვე სეზონი 2019 წლამდე არ გამოვა. ვიცით ისიც, რომ Game of Thrones-ის ფინალური სეზონში რამდენიმე მთავარი პერსონაჟი კვდება.

ცოტა ხნის წინ, ინტერნეტში, Game of Thrones-ის ფინალური სეზონის გადაღებებიდან პირველი კადრებიც გავრცელდა.კადრებზე ჩვენი საყვარელი უინთერფელი, სტარკების ციხესიმაგრე ცეცხლის ალშია გახვეული!
მე-7 სეზონში უინტერფელში დავტოვეთ სანსა, არია და ბრანი. იმედია, სტარკების ამოხოცვის მორიგი სერია არ გველის წინ.

სერიალის შემქმნელების თქმით, ფინალური, მე-8 სეზონი, რომელშიც 6 სერიაა, სავარაუდოდ, ყველაზე რეიტინგული იქნება.