ხმაური იყო რამდენიმე წუთის წინ რუსთაველის გამზიზრზე მიმდინარე აქციაზე, სადაც ახალგაზრდა მამაკაცი მივიდა და სცადა აქციისთვის პოლიტიკური სარჩულის მიკერება.

აქციის ორგანიზატორებმა მამაკაცს, რომელიც სავარაუდოდ ნასვამ მდგომარეობაში იყო, მოუწოდეს ტერიტორიის დატოვებისკენ, მათ მიმართეს სამართალდამცავებს გაეყვანათ აღნიშნული პირი ტერიტორიიდა, თუმცა იგი ტერიტორიის დატოვებაზე უარს აცხადებდა და პოლიტიკურ მესიჯებს ავრცელებდა.

აქციის მონაწილეები მაშინ დაუპირისპირდნენ აღნიშნულ პირს, როცა მან ახალგაზრდების სახელით საუბარი დაიწყო და თქვა, რომ ახალგაზრდები ზაზა სარალიძის მხარდამჭერ აქციას ემიჯნებიან.

აქციის ერთ-ერთმა მონაწილემ ამ პირს წყალი შეასხა, საბოლოო ჯამში კი ორგანიზატორებმა მამაკცი საპატრულო პოლიციის წარმომადგენლებთან მიიყვანეს და მოსთხოვეს იგი ტერიტორიიდან გაეყვანათ, სამართალდამცავებმა აღნიშნული პირი გაიყვანეს.

აქციის ორგანიზატორებმა სუს-ს მოუწოდეს პროვოკაციებისგან თავი შეიკავონ.