„მივესალმებით პლატფრომის შექმნას, რომელმაც ორგანიზებულად უნდა უზრუნველყოს საზოგადოების ჩართულობა"- კვირიკაშვილი

პოლიტიკა - 12:02, 08 Jun, 2018

1064

მთავრობის დღევანდელ სხდომაზე საქართველოს პრემიერ-მინისტრმა მტავრი პროკურორის თანამდებობიდან გადადგომის საკითხზე ისაუბრა. გიორგი კვირიკაშვილის განცხადებით, ირაკლი შოთაძემ მაღალი პასუხისმგებლობის სტანდარტი გამოიჩინა. კვირიკაშვილის განცხადებით, ეს უპრეცედენტო ფაქტია:

„ძალიან მაღალი პასუხისმგებლობის სტანდარტი გამოიჩინა მთავარმა პროკურორმა ირაკლი შოთაძემ და თანამდებობიდან მყისიერად გადადგა. მინდა მოსახლეობას მივმართო, გააკეთონ შედარება, როდესაც თვეობით იდგა მოსახლეობა ქუჩებში და სახელმწიფოს მხრიდან არ იყო არანაირი რეაგირება, თუ როგორ რეაგირებს საზოგადოების მოთხოვნებზე დღევანდელი ხელისუფლება. მე მგონია, რომ ძალიან მნიშვნელოვანი თვისობრივი ცვლილება მოხდა“, – განაცხადა გიორგი კვირიკაშვილმა.

ამასთან, პრემიერი ხორავას ქუჩის საქმესთან დაკავშირებით, საზოგადოებრივი პლატფორმის შექმნას მიესალმა.

„ასევე ჩვენ მივესალმებით საზოგადოებრივი პლატფრომის შექმნას, რომელმაც ორგანიზებულად უნდა უზრუნველყოს საზოგადოების ჩართულობა და მე ვფიქრობ, კანონი ამის საშუალებას ასევე იძლევა“, – განაცხადა პრემიერმა.