ნატოს თავდაცვის მინისტერიალი ბრიუსელში გრძელდება. ჩრდილო ატლანტიკური ალიანსის ახალ შტაბბინაში რამედნიმე საათში „მტკიცე მხარდაჭერის“ მისიის ფორმატში ნატოსა და პარტნიორი ქვეყნების თავდაცვის მინისტრების შეხვედრაა დაგეგმილი, რომელსაც ალიანსის გენერალური მდივანი გახსნის. შეხვედრას დაესწრება საქართველოს თავდაცვის უწყების პირველი პირი. ლევან იზორია შეკრებილებს სიტყვით მიმართავს.

„გვაქვს ძალიან მკაფიო მოლოდინი იმისა, რომ ეს პროგრესი, რაც ამ მიმართულების ფარგლებში დაფიქსირდა საქართველოში, იქნება გაცხადებული საჯარო განცხადებაში, რომელსაც ნატოსთან ერთად საქართველო მიიღებს, რაც იქნება მყარი საფუძველი ერთ-ერთი წინ გადადგმული ნაბიჯი, ნატოში საქართველოს გაწევრიანებისთვის,“-განაცხადა საქართველოს თავდაცვის მინისტრმა ლევან იზორიამ.