სახალხო დამცველმა ნინო ლომჯარიამ საგამოძიებო კომისიის თავმჯდომარესთან, სერგი კაპანაძესთან შეხვედრის შემდეგ ჟურნალისტებთან საუბრისას აღნიშნა, რომ მან მიიღო დაპირება იმის შესახებ, რომ კომისიის საქმიანობა სახალხო დამცველისთვის იქნება სრულიად გამჭვირვალე და გახსნილი:

"შეხვედრაზე ვისაუბრეთ ჩვენი ურთიერთთანამშრომლობის ფორმატზე. მივიღე დაპირება, რომ კომისიის საქმიანობა სახალხო დამცველისთვის იქნება სრულიად გამჭვირვალე და გახსნილი. ჩვენ არა მარტო ვითანამშრომლებთ, არამედ სახალხო დამცველი დააკვირდება, რამდენად სწორად იძიებს საგამოძიებო კომისია აღნიშნულ საქმეს. ვფიქრობ, რომ ორი პარალელური შესწავლა იქნება მნიშვნელოვანი, რადგან შეიძლება იყოს გარკვეული გარემოებები, რასაც ჩვენ ვერ ვაქცევთ სათანადო ყურადღებას. მუდმივად ვიქნებით ერთმანეთთან კომუნიკაციაში", - განაცხადა ნინო ლომჯარიამ.