ერგნეთში დღეს ინციდენტების პრევენციისა და მათზე რეაგირების მორიგი სხდომა გაიმართება, სადაც ერთ-ერთი მთავარი განსახილველი საკითხი არჩილ ტატუნაშვილის მკვლელობის საქმე იქნება.

ქართული მხარე საოკუპაციო რეჟიმის წარმომადგენლებს სამხარაულის ექსპერტიზის დასკვნას წარუდგენს, რომლითაც დასტურდება, რომ ტატუნაშვილი ცხინვალში აწამეს.

ასევე ცნობილია, რომ მსჯელობა საოკუპაციო რეჟიმის წარმომადგენლების მიერ საქართველოს მოქალაქეების გატაცების საკითხსაც შეეხება.