„არ მგონია, კომისიამ საზოგადოებაში ნდობა დააბრუნოს,“ - დავით ჭიჭინაძემ ხორავას ქუჩის მკვლელობის საგამოძიებო კომისიის შექმნას მხარი არ დაუჭირა

პოლიტიკა - 20:05, 06 Jun, 2018

1703

უმრავლესოის წევრმა, ისნის რაიონის მაჟორიტარმა დეპუტატმა დავით ჭიჭინაძემ ხორავას ქუჩაზე მომხდარი მკვლელობის შემსწავლელი დროებითი საპარლამენტო საგამოძიებო კომისიის შემნას მხარი არ დაუჭირა. ამასთან, დავიჭ ჭიჭინაძეს აინტერესებს, თუ თუ რატომ უნდა იყოს საგამოძიებო კომისიის უმრავლესობაში ოპოზიცია მაშინ, როცა საკანონმდებლო ორგანოს უმრავლესობაში „ქართული ოცნებაა“.

„არ მგონია, ეს ხალხი უფრო სამართლიანი, კომპეტენტური და პატიოსანი იყოს, ვიდრე პროკურატურის თანამშრომლები, მაგრამ რადგანაც დღეს ჩვენთან არსებობს ასეთი შეგრძნება, რომ პროკურატურას არ ვენდობით და ვენდობით ამ საგამოძიებო კომისიას, მაშინ სერიოზული პრობლემა გვქონია გამოძიების თვალსაზრისით და საერთოდ, სიმართლის დადგენის თვალსაზრისით,“- განაცხადა კომისიის დამტკიცების შემდეგ ჭიჭინაძემ.

მისივე თქმით, დროებითი საგამოძიები კომისია საზოგადოებაში ნდობას ვერ დააბრუნებს.

„მე არ მგონია, რომ ამ კომისიამ საზოგადოებაში ნდობა დააბრუნოს. ამიტომ მაინტერესებს და კითხვას ვსვამ, რა პრინციპით იქნენ შერჩეული ეს ადამიანები, რომლებმაც იმის მაგივრად, რომ საზოგადოებაში ნდობა გააჩინონ, უკურეაქციას გამოიწვევენ,“- აღნიშნა ჭიჭინაძემ.