რომელსაც სრულიად საქართველოს კათოლიკოს პატრიარქი, უწმინდესი და უნეტარესი ილია მეორე უხელმძღვანელებს, ეს კომისია კი "ნაციონალური" რეჟიმის გასამართლებისკენ იქნება მიმართული. აღნიშნულ თემაზე კაკაბაძე Facebook-ის საკუთარ გვერდზე წერს:

"ჩემი აზრით ილია მეორე არის საქართველოში ყველაზე ძლიერი პოლიტიკოსი რომელსაც შეუძლია ჩვენი იარების მოშუშება. ქვეყანაში იმედი სიძულვილი და გულგრილობაა – რომ ამას მხოლოდ სიმართლის კომისია თუ უშველს და ამ სიმართლის კომისიის თავმჯდომარე ილია მეორე უნდა იყოს. ნაციონალური რეჟიმის გასამართლება აუცილებელია და ამას სხვა პოლიტიკური ძალები ვერ აკეთებენ – სიმართლის კომისიის უალტერნატივო თავჯმდომარე შეიძლება იყოს მხოლოდ ილია მეორე. მარტო ეს გზა მოგვიტანს ჩვენ მშვიდობას – სხვა ყველა გზა არის წინასწარ განწირული. მშვიდობის გზა მხოლოდ სიმართლეზე გადის. ილია მეორე ყველა ლიბერალს და კონსერვატორსაც ათასჯერ სჯობია როგორც არბიტრი ჩვენს დაპირისპირებაში. ეს არის ჩემი აზრი.

ნამდვილად რელიგია ხშირად ყოფილა გამოყენებული სოციალური პროგრესის წინააღმდეგ. მაგრამ, პირიქითაც ყოფილა შემთხვევები. სოციალური პროგრესის თეორია ხშირ შემთხვევაში ბევრ იდეა სესხულობს სხვადასხვა რელიგიისაგან. ქრისტიანულ მოძღვრებაში ბევრი განმათავისუფლებელი იდეაა თავისთავად. მე არ მაქვს უარყოფითი დამოკიდებულება პატრიარქის მიმართ, მიუხედავად იმისა რომ ყველაფერში საერთოდ არავის ვეთანხმები და არც მას. მაგრამ, მე ანგაჟირების მომხრე ვარ და დაილოგის და ერთად მუშაობის როგორც შენ იცი – ყველა ჯგუფმა ერთად უნდა ვიმუშავოთ სოციალური პრობლემების დაძლევისათვის. და ვნახოთ კონსენსუალური გზები. მესმის, რომ არ არის ადვილი და შეცდომაც ყველას მოსდის – მაგრამ ჩემთვის ამ გზას ალტერნატივა არა აქვს.

სიმართლის კომისია არ ნიშნავს განსჯას და მსაჯულებას – ის არის იარების მოშუშების საუკეთესო გზა. სამხრეთ აფრიკაში არქიეპისკპოსი დესმონდ ტუტუ იყო ასეთი კომისიის თავმჯდომარე და ადამიანებმა გულწრფელად მოინანიეს ჩადენილი დანაშაულები და მათ მიუტევეს თვით მსხვერპლის ოჯახის წევრებმა. ეს არის საუკეთეს მოდელი თუ არ გვინდა რომ მივიღოთ სამოქალაქო დაპირისპირება საქართველოში. თეოკრატიული სახელმწიფო აქ არაფერ შუაშია – სამხრეთ აფრიკა გახდა დემოკრატიული ქვეყანა აპარტეიდის გაუქმების მერე 1994 წელს. – წერს "ფეისბუქის" გვერდზე ირაკლი კაკაბაძე.