ბორტგამცილებელი ქალი საშინელ საიდუმლოს 15 წელი მალავდა, როდესაც სიმართლე გამჟღავნდა, მას მფრინავი დაეხმარა

ეს საინტერესოა - 12:24, 05 Jun, 2018

20833

ჯენიფერ სტენსელი 38 წლის ბორტ გამცილებელია Alaska Airlines-დან. უკანასკნელი 15 წელი ქალს თირკმელების პრობლემა ჰქონდა, რომელიც აუტოიმუნური დაავადებით იყო გამოწვეული. ჯენიფერი დიდხანს აიგნორებდა თირკმლის უკმარისობის სიმპტომებს, რადგან არ უნდოდა საყვარელ საქმეს ჩამოშოებოდა, თუმცა მარტში მორიგი ავიარეისის დროს მან მოულოდნელად გონება დაკარგა. იმ დღეს ჯენიფერმა თავისი რეისის ბოლომდე დასრულება ვერ შეძლო, სახლში დაბრუნებისას კი მაშინვე ექიმს მიმართა, რომელმაც არცთუ ისე კარგი სიახლე აცნობა: მას თირკმელის სასწრაფო გადანერგვა ესაჭიროებოდა. ჯენიფერი დონორთა ორგანოების მომლოდინეთა რიგში ჩაწერეს, რომელიც საკმაოდ გრძელი იყო, ქალის მდგომარეობა კი კრიტიკული ხდებოდა.

ჯენიფერი ცდილობდა, სხვა გზებიც ეპოვა და დასახმარებლად ახლობლებს და მეგობრებს მიმართა, თუმცა დიდი იმედი არ ქონდა რომ გადასანერგ თირკმელს იშოვიდა. გასაკვირია, თუმცა მის მოწოდებას მალევე გამოეხმაურნენ. ქალის დასახმარებლად მზად იყო კაპიტანი ჯოდი ჰარსკამპი- ზუსტად იმ რეისის მფრინავი, რა დროსაც ჯენიფერი ცუდად გახდა.

ქალების მეგობრობა რამდენიმე წლის წინ დაიწყო, როდესაც ხანძრის გამო ჯოდიმ სახლი დაკარგა, ჯენიფერმა მას დახმარების ხელი გაუწოდა. მას შემდეგ ჯოდი და ჯენიფერი კარგი მეგობრები გახდნენ.

თუმცა მხოლოდ ჯოდის სურვილი არ კმაროდა, საჭირო იყო იმაში დარწმუნება, რომ მისი თირკმელი ჯენიფერისთვის შესაბამისი იქნებოდა. ექიმებმა უამრავი ტესტი ჩაატარეს, საბედნიეროდ შედეგი დადებითი აღმოჩნდა. ყველა საჭირო ანალიზების შემდეგ ქალები სიეტლში გაემგზავრნენ სადაც მათ 5 საათიანი ოპერაცია ჩაუტარდათ. როგორც აღმოჩნდა ჯენიფერს დახმარებამ უკანასკნელ მომენტზე მოუსწრო, მისი მხოლოდ ერთი თირკმელი მუშაობდა და ისიც მხოლოდ 6%-ით.