გიორგი აბაშიშვილი რუსთაველის გამზირზე ზვიად კუპრავასა და მალხაზ მაჩალიკაშვილს შეხვდა

პოლიტიკა - 21:19, 04 Jun, 2018

2595

რუსთაველზე ზაზა სალარიძის მხარდამჭერ აქციაზე პრეზიდენტის ადმინისტრაციის უფროსი გიორგი აბაშიშვილი მივიდა, აქციაზე ამ დროისთვის არ იმყოფება მოკლული მოზარდის მამა ზაზა სარალიძე და გიორგი აბაშიშვილმა შეხვედრა გამართა აქციის ერთ-ერთ ორგანიზატორ ზვიად კუპრავასთან და მალხაზ მაჩალიკაშვილთან. აბაშიშვილმა კომენტარი დღეს გამართულ შეხვედრებზეც გააკეთა, რომელიც შვილმოკლულ მამებსა და გიორგი კვირიკაშვილს შორის შედგა:

„პრეზიდენტის დავალებით გავეცანი იმ დინამიკას, რომელიც არის დაკავშიებული ამ პროცესთან. ნებისმიერ შემთხვევაში, სადაც შეიძლება დიალოგის რესურსი არსებობდეს, ცხადია, ეს შესაძლებლობა უნდა იქნას გამოყენებული.მე მოვისმინე მათგან ვითარების მიმოხილვა. ბუნებრივია, აქ იყო საუბარი მაჩალიკაშვილის შეხვედრაზე პრემიერთან, ასევე შევხვდები ზაზა სარალიძესა და ამის შემდგომ უფრო ვრცლად გესაუბრებით. პრეზიდენტის დავალებით ვეცნობი სიტუაციას. ვიცნობ სარალიძის კომენტარს, რომელიც მან პრემიერთან შეხვედრის შემდგომ გააკეთა და ამასთან დაკავშირებით მას შევხვდები დღეს ან ხვალ, როგორც იქნება შესაძლებელი.“- განაცხადა გიორგი აბაშიშვილმა.