"დავით დადუნაშვილის პოზიციაა, რომ ის იბრძოლებს დავით სარალიძის მკვლელის დასადგენად "-დადუნაშვილების ადვოკატი

პოლიტიკა - 19:19, 04 Jun, 2018

1076

ხორავაზე მოკლული ლევან დადუნაშვილის მამა პრემიერთან შეხვედრას ნაყოფიერად აფასებს. ამის შესახებ განცხადება დადუნაშვილების ოჯახის ადვოკატმა გააკეთა. მისი თქმით, მიუხედავად იმისა რომ დადუნაშვილის მკვლელობის ნაწილში განაჩენი დამდგარია დავით დადუნაშვილი ითხოვს კონკრეტულ პასუხებს მეორე მოკლული მოზარდის დავით სარალიძის სსაქმესთან დაკავშირებითაც. ადვიკატის თქმით, მათ შეხვედრაზე პოლიტიკურ საკითხებთან დაკავშირებით არ უსაუბრიათ:

„პოლიტიკური კითხვები არ გაგვაჩნია. შეხვედრა იყო ძალიან ინფორმაციული. მიუხედავად იმისა, რომ ლევან დადუნაშვილის ნაწილში განაჩენი დადგენილია და პირი მსჯავრდებულია, დავით დადუნაშვილის პოზიციაა, რომ ის ასევე იბრძოლებს იმისთვის, რომ დადგენილი იყოს დავით სარალიძის მკვლელი, მივიღეთ პირობა რომ უახლოეს დროში მივიღებთ პასუხებს იმ საკითხებზე რაც ღიად არის დარჩენილი. განვიხილეთ ყველა დეტალი, მიღებული პასუხები ჯერჯერობით არაა კონკრეტული. შემდეგი შეხვედრა არ ჩანიშნულა. პრემიერისგან და შს მინისტრისგან მივიღეთ პირობა, რომ ნებისმიერ დროს შეგვიძლია შევაწუხოთ. ამ ეტაპისთვის ნაყოფიერი იყო.“- განაცხადა დადუნაშვილების ადვოკატმა.