"პანკისში სახელმწიფოს პოლიტიკა რეპრესიაზე და სოციალურ კონტროლზე დგას"- პრემიერმა და შს მინისტრმა ხეობის პრობლემების მოგვარებაზე იზრუნებენ

პოლიტიკა - 17:35, 04 Jun, 2018

818

ადამიანის უფლებების სწავლებისა და მონიტორინგის ცენტრის იურისტი თამთა მიქელაძე პრემიერ მინისტრთან გიორგი კვირიკაშვილთან მალხაზ მაჩალიკაშვილის შეხვედრას ესწრებოდა. როგორც მიქელაძემ შევხედრის დასრულების შემდეგ განაცხადა პრემიერმა მათ პირობა მისცა, რომ პაკისის ხეობაში ხელისუფლების პოლიტიკა უფრო ჰუმანური და სოციალური გახდება.

"ასევე მივიღეთ დაპირება, რომ პანკისის ხეობაში ხელისუფლების პოლიტიკა უფრო ჰუმანური, სოციალური გახდება და ამ კუთხით მათ შორის ხეობასთან გაჩენილი ნდობის პრობლემა მოაგვაროს.

რა ვადებში იქნება აღნიშნული საკითხების მოგვარებული ჩვენთვის ჯერ უცნობია და დაუზუსტებელია თუმცა, გონივრულ პერიოდში ამ საკითხების მოგვარებას უნდა ველოდოთ. შეხვედრას ასევე ესწრებოდა შსს მინისტრი. მათ ჩაინიშნეს ჩვენი კრიტიკა და ითქვა, რომ მათ შორის შსს პანკისში თავის პოლიტიკის გაუმჯობესებაზე გაააქტიურებაზე იზრუნებს, რომ ეს კრიტიკა, რომელიც არსებობს პანკისში, სახელმწიფოს პოლიტიკა მეტწილად რეპრესიაზე და სოციალურ კონტროლზე დგას, რომ ეს მიდგომები გარკვეულწილად დაიძლიოს" - განაცხადა მიქელაძემ.