მოძღვარს ბაჩო ახალაიას წინააღმდეგ ჩვენების მიცემას აიძულებდნენ

საზოგადოება - 21:11, 15 Aug, 2013

1318

„12 აგვისტოს პროკურატურის გამომძიებელი დაუკავშირდა ჩემს მეგობარს, მურად გაბუნიას და მოითხოვა ჩემი ტელეფონის ნომერი, იმის გამო რომ მე ვიყავი ცხვარიჭამიაში, მონასტერში, ჩემთან დაკავშირება ვერ მოხერხდა, მოგვიანებით დამიკავშირდა ჩემი მეგობარი და მითხრა, რომ პროკურატურაში მიბარებდნენ. 13 აგვისტოს გამოვცხადდი ქალაქის პროკურატურაში, სადაც დამხვდა გამომძიებელი კახა ჯუბაძე, სამუშაო ოთახში იყვნენ სხვა გამომძიებლებიც, დაახლოებით ოთხი პირი, შედგა ჩვენი საუბარი.

ისინი ჩემი მხრიდან ჩვენების მიცემას ითხოვდნენ, უშუალოდ ჩვენება შეეხებოდა, აფციაური, ღაჭავა, ალანიასა და ბიბილურიძის სასჯელის მოხდის პერიოდს, ჩვენების მიცემის პერიოდში ისინი ითხოვდნენ არარსებული ფაქტების დადასტურებას, რომელიც უშუალოდ შეეხებოდა ბაჩო ახალაიას, ითხოვდნენ ცრუ ჩვენებას, ეს ფაქტები საბოლოო ჯამში ბაჩო ახალაიას დააზარალებდა.

ოთხი გამომძიებელი სხვადასხვა კითხვებით ზემოქმედებდნენ ჩემზე, შემდეგ გამიყვანეს სხვა ოთახში, სადაც ამ ჯგუფის უფროსმა პირდაპირ მუქარით მითხრა, რომ თუ არ მოხდებოდა იმ ფაქტების დადასტურება რაც მათ აწყობდათ, მოხდებოდა ციხის შვიდი თანამშრომლის დაპატიმრება, მათ შორის ჩემიც.

ცრუ ჩვენებას მოვაწერე ხელი იმიტომ, რომ 12 საათის განმავლობაში ერთ ოთახში ყოფნა და 5 ადამიანის მხრიდან ფსიქოლოგიური ზეწოლა ჩემთვის იყო დამღლელი. ამ ჩვენებით მათ სურდათ ისეთი ფაქტების დადასტურება ბაჩო ახალაიასთან დაკავშირებით, რომელიც არ ყოფილა“.