4-8 ივნისს ივ. ბოკერიას სახელობის თბილისის რეფერალურ ჰოსპიტალში მოზრდილებისთვის და 18 წლამდე მოზარდებისთვის სხვადასხვა სამედიცინო სერვისის ექიმები უფასო კონსულტაციებს ჩაატარებენ.

აქციის ფარგლებში პაციენტები სრულიად უფასოდ მიიღებენ: მეან-გინეკოლოგის, ნევროლოგის, კარდიოლოგის, თერაპევტის, ნეფროლოგის, ალერგოლოგის, ორთოპედ-ტრავმატოლოგის, ზოგადი ქირურგის, ანგიოქირურგის, ნეიროქირურგის, უროლოგის, ყბა-სახის ქირურგის, ფსიქიატრის, კარდიოქირურგის, პულმონოლოგის, მამოლოგის, ენდოკრინოლოგის და ოტოლარინგოლოგის კონსულტაციებს.

18 წლამდე მოზარდებს უფასო კონსულტაციებს გაუწევენ:

ნეონტოლოგები, პედიატრები, ქირურგები, ნევროლოგები, ნეიროქირურგები, ორთოპედ-ტრავმატოლოგები, ალერგოლოგი, ყბა-სახის ქირურგები, ნეფროლოგი, ოტოლარინგოლოგი.

მათ ვისაც ჩაუტარდებათ უფასო სამედიცინო კონსულტაციები, საშუალება ექნებათ ექიმის მიერ საჭიროების შემთხვევაში დანიშნული ლაბორატორიული და დიაგნოსტიკური კვლევები (მათ შორის: კომპიუტერული ტომოგრაფია, მაგნიტორეზონანსული ტომოგრაფია, ექოსკოპიური კვლევები, რენტგენი, გულის და სისხლძარღვების ანგიოგრაფია (კორონაროგრაფია) და სხვ.) 40%-იანი ფასდაკლებით ჩაიტარონ.

უფასო კონსულტაციები 4 ივნისს, 10 საათზე თბილისის რეფერალურ ჰოსპიტალში ქინძმარაულის ქ. #1 -ში (შესახვევი 1) დაიწყება. პაციენტების მისაღებად წარმოებს წინასწარი ჩაწერა: 2 55 05 05