მისი თქმით, ყველა საშაულებას გამოიყენებს საკუთარი კომპანიის უკან დასაბრუნებლად, რადგან სახელმწიფოსგან მხარდაჭერა, რომელსაც ელოდა ვერ მიიღო. მეტიც, დიზაინერის თქმით, ამ დრომდე ელოდება პასუხს რატომ დაინტერესდა პროკურატურა მისი საქმიანობით.

შეგახსენებთ: თათა ვარდანაშვილმა საწარმო „ქართუ ჯგუფისგან“ შეიძინა, თუმცა 2010 წლის სექტემბერში აქტივები სახელმწიფოს გადასცა. დიზაინერის განცხადებით, მისთვის უცნობია, პროკურატურას კითხვები კომპანიის საქმიანობის რომელ პერიოდთან აქვს. მისი თქმით, იმ ფონზე როდესაც საწარმოს საქმიანობით პროკურატურა ჯერ კიდევ თებერვალში დაინტერესდა, მისთვის სულ მცირე ინფორმაცია მაინც უნდა მიეწოდებინათ.

ვარდანაშვილის თქმითვე, თავდაცვის სამინისტრომ კომპანიას კონტრაქტი მხოლოდ სიტყვიერად შეუწყვიტა და მიზეზად პროდუქციის ხარისხი დაასახელეს, მაშინ როდესაც დიაზინერის განმარტებით, აქამდე ხარისხი აკმაყოფილებდათ.