ჩერგოლეიშვილი - კვირიკაშვილს: ბატონო გიორგი სიბრიყვეს ნუ ამბობთ

საზოგადოება - 12:20, 15 Aug, 2013

944

საპრეზიდენტო კანდიდატის, დავით ბაქრაძის მიღწევებზე საუბრობს. „ნიუპოსტი“ უცვლელად გთავაზობთ თამარ ჩერგოლეიშვილის facebook-ზე გამოქვეყნებულ სტატუსს:
„თავმოყვარეობის დეფიციტის სინდრომი:

"ის [დავით ბაქრაძე] იყო იმ ხელისუფლების ერთ-ერთი ლიდერი, რომელიც გაზრდილი საგარეო ვალის ხარჯზე ქმნიდა ეკონომიკის არარეალური ზრდის ილუზიას."
- იხილეთ ქვემოთ თანდართული რუკა, დაინახავთ, რომ საქართველოს საგარეო ვალი ბევრად ნაკლებია (GDP-სთან მიმართებით ცხადია) ვიდრე შეერთებული შტატების, გერმანიის, საფრანგეთის, იტალიის, დიდი ბრიტანეთის.

- ასევე შებრძანდით მსოფლიო ბანკის გვერდზე და ნახავთ, რომ დავით ბაქრაძე წარმოადგენდა მთავრობას, რომელმაც, მსოფლიო ბანკის მიხედვით:
"მაშინ როდესაც ევროზონის კრიზისმა მკვეთრად შეანელა განვითარებადი ეკონომიკები აღმოსავლეთ და ცენტრალურ ევროპაში, საქართველოს ეკონომიკა მკვეთრად გაიზარდა 2011 წელს. ექსპორტი, ტურიზმის მოცულობის ზრდა და საჯარო ინვესტიციები ეკონომიკური გაფართოების მთავარი კონტრიბუტორები იყვნენ. შიდა მოთხოვნაც გაიზარდა, რაც ძირითადად საბანკო სექტორის აღმასვლამ გამოიწვია.

მკვეთრად გაიზარდა ფულადი გზავნილების რაოდენობა, მაშინ როდესაც პირდაპირი უცხოური ინვესტიციები და კერძო კაპიტალის შემოდინება სტაბილური დარჩა დაბალ პოსტ-კრიზისულ დონეზე.
- დავით ბაქრაძე წარმოადგენდა მთავრობას, რომელმაც ქვეყანა შემდეგ მდგომარეობაში ჩაიბარა - მსოფლიო ბანკმა 20 პროცენტით შეგვიმცირა დაფინანსება 2002 წელს იმიტომ რომ შევარდნაძე ეკნომიკურ რეფორმებს არ ახორციელებდა, განგაში ჰქონდა ატეხილი საერთაშორისო სავალუტო ფონდს და საქართველოსთან თანამშრომლობას წყვეტდა. გთხოვთ იხილოთ თანდართული მასალა.

- დავით ბაქრაძე წარმოადგენდა მთავრობას, რომლის მოსვლიდან სამ წელიწადში საქართველო მსოფლიოში ერთ-ერთი ყველაზე წარმატებული რეფორმატორი გახდა (გთხოვთ იხილოთ თანდართული მასალა)
- დავით ბაქრაძე წარმოადგენდა მთავრობას, რომლის ხელისუფლებიდან წასვლის წინაც, საქართველოს ეკონომიკურ წარმატებებზე წიგნი დაწერეს და საქართველოს პრეზიდენტს ვაშინგტონში, მსოფლიო ბანკის შტაბბინაში ტაშით შეხვდნენ - სწორედ ამ წიგნის პრეზენტაციაზე.

ასე რომ, ბატონო გიორგი, საკუთარ თავს პატივი ეცით, სიბრიყვეს ნუ ამბობთ და დაუჯერეთ ნაციონალურ მოძრაობას - ეგ საქმე აშკარად თქვენზე და თქვენს მთავრობაზე უკეთ ესმით. ამაზე ფაქტები მეტყველებს“, - აღნიშნავს ჩერგოლეიშვილი.