საკრებულოს სხდომაზე დეპუტატებმა, თბილისის საერთაშორისო აეროპორტისთვის, ვარდების რევოლუციის მოედნისთვის და სხვადასხვა ობიექტებისთვის სახელწოდებების შეცხვლაზე იმსჯელეს. შესაძლოა, ვარდების რევოლუციის მოედანს მერაბ კოსტავას სახელი ეწოდოს.

აღნიშნულ თემასთან დაკავშირებით, ირაკლი შიხიაშვილმა დღეს განცხადება გააკეთა:

"შესაძლოა თბილისის საერთაშორისო აეროპორტს ეწოდოს ზვიად გამსახურდიას სახელი, ვარდების რევოლუციის მოედანს ეწოდოს მერაბ კოსტავას სახელი, ბატონი ზაზა გაბუნიასგან გაჟღერდა, რომ ევროპის მოედანს ეწოდოს ასი ათასი მოწამის სახელი და რიყის პარკს ეწოდოს ევროპის პარკი, ჯერჯერობით ეს მოსაზრებები არსებობს ჩვენს რიგებში, მაგრამ გადაწყვეტილად ამის თქმას მაშინ შევძლებთ, როდესაც ამ ყოველივეს დღის წესრიგში შევიტანთ", - განაცხადა ირაკლი შიხიაშვილმა.