20 წლის გურსოკ კაური, ინდური წარმოშობის ამერიკელი ქალბატონია, რომელმაც ნიუ იორკის პოლიციის აკადემია მიმდინარე წლის მაისში დაამთავრა. იგი პირველი ქალი პოლიციელია ნიუ იორკში, რომელიც ჩალმით გამოჩნდება ქუჩებში. დღეისათვის ნიუ იორკში 190 სიქი სამართალდამცავი მუშაობს, 10 მათგანი ქალია.

ჩალმა არის ერთ-ერთი აქსესუარი, რომელიც სიქების რელიგიურ მრწამს აღნიშნავს. ჩალმის ტარების უფლება აღნიშნული რელიგიის მქონე ქალებს 2016 წლის დეკემბერში მიეცათ და ლაური გახდა პირველი ქალი, რომელმაც ამ უფლებით სარგებლობა გადაწყვიტა.

„ძალიან ბედნიერი ვარ, რადგან ნიუ იორკის მაცხოვრებლებს ადრე მსგავსი არაფერი უნახავთ, მე კი მექნება შესაძლებლობა მოვუყვე მათ რა დანიშნულება აქვს ჩალმას და რატომ ვატარებთ მას“, - აცხადებს კაური.