შოთა შალელაშვილის შვილის დოსიე - ჰაკერი, რომელიც აშშ-ის ისტორიაში ყველაზე მასშტაბურ კიბერთავდასხმაში მონაწილეობდა

პოლიტიკა - 11:42, 28 May, 2018

6539

2015 წელს FBI-მ ამერიკის ისტორიაში ყველაზე მსხვილი კიბერთავდასხმის საქმე გახსნა. კრიმინალურ საქმიანობაში ჩართული იყვნენ აშშ-ის, ისრაელისა და რუსეთის მოქალაქეები. 2014 წელს ჰაკერებმა გატეხეს აშშ-ის ყველაზე დიდი ბანკის JP Morgan Chase&Co-ს სერვერი და 80 მილიონზე მეტი ამერიკელის პირადი ინფორმაცია მიითვისეს, რის შემდეგაც ისინი ამ ადამიანების პირადი ანაგრიშებიდან თანხებს ითვისებდნენ, მითვისებული ფულის გათეთრებას არალეგალური ბიტკოინების ბირჟის - Coin.mx მეშვეობით ახდენდნენ და გავრცელებული ინფორმაციით, თანხების გადატვირთვა ხდებოდა საქართველოს, შვეიცარიის, კვიპროსისა და ესტონეთის ბანკებში. მითვისებულმა თანხამ რამდენიმე ასეული მილიონი დოლარი შეადგინა.

საერთაშორისო ჰაკერთა ჯგუფის 5 ლიდერთა შორის ერთ-ერთი ისრაელის მოქალაქე, წარმოშობით ქართველი გარი შალელაშვილია. სწორედ ის იყო Coin.mx-ის მფლობელი. მისი აქტივები 2 მილიარდ დოლარს შეადგენდა. ის 2015 წელს ისრაელში დააკავეს და მისი ექსტრადირება აშშ-ში განხორციელდა.

უცხოური მედიის ცნობით, შალელაშვილი 2017 წლის ზაფხულში ფედერალური ციხიდან 403 მილიონი დოლარის გადახდის შემდეგ გაათავისუფლეს.

აღნიშნულ თემაზე საქართველოს მესამე პრეზიდენტმა მიხეილ სააკაშვილმა სკანდალური განცხადება გააკეთა, მისი თქმით, გარი შალელაშვილი, საქართველოს პარლამენტის წევრის შოთა შალელაშვილის შვილია და ფულის გათეთრების საქმეში ჩართული იყო თავად შოთა შალელაშვილი და ბიძინა ივანიშილი, სააკაშვილის თქმით, ფულის გათეთრება საქართველოში არსებული ბიტკოინებით ქარხნის და თანაინვესტირების ფონდის მეშვეობით ხდებოდა და ამაში ჩართული იყო რუსული სპეცსამსახურებიც.