სექსუალურ შევიწროებაში დადანაშაულებული მორგან ფრიმენი ბოდიშს იხდის

ეს საინტერესოა - 12:28, 25 May, 2018

2563

კინოს ცოცხალი ლეგენდა, 80 წლის ამერიკელი ოსკაროსანი მსახიობი მორგან ფრიმენი მის წინააღმდეგ გამოთქმულ ბრალდებებს ეხმაურება და ბოდიშს უხდის ყველას, ვინც მასთან მუშაობისას თავი არაკომფორტულად იგრძნო.

მორგან ფრიმენი გუშინ 8 ქალმა არასასურველ მოპყრობაში დაანადაშაულა.

"ყველა, ვინც მიცნობს ან ჩემთან უმუშავია, იცის, რომ არ ვარ ის ადამიანი, ვინც შეგნებულად შეურაცხყოფს ან შეგნებულად აგრძნობინებს თავს ვინმეს ცუდად. ბოდიშს ვუხდი ყველას, ვინც არასასიამოვნოდ ან უპატივცემულოდ იგრძნო თავი, ეს არასდროს ყოფილა ჩემი განზრახვა" - ამბობს მსახიობი.

გუშინ CNN-მა გაავრცელა ინფორმაცია, რომ ლეგენდარული მსახიობის მხრიდან არასასურველ მოპყრობა- სექსუალურ შევიწროებაზე 16 ადამიანმა ისაუბრა, 8 მათგანი კი მსახიობს ბრალს დებს.

ერთ-ერთი ქალი, რომელიც ანონიმურობას ინარჩუნებს, ამბობს რომ მორგან ფრიმენისგან არასასურველი მოპრყობის მსხვერპლი 2015 წელს გახდა ფილმ Going In Style-ზე მუშაობისას. "კაბა წამოიწია და მითხრა - შევამოწმებ გაცვია თუ არა საცვლები" - იხსენებს დაზარალებული.

მეორე ქალი კი ამბობს, რომ გარეგნობასთან დაკავშირებით მორგანის უხამსი კომენტარები იმდენად აუტანელი იყო, ცდილობდნენ, დეკოლტე აღარ ჩაეცვათ.