"წინა პერიოდში სახელმწიფოს ჩარევა იყო ძალიან მნიშვნელოვანი და სახელწიფო გამოდიოდა როგორც ერთ-ერთი კონკურენტი მეღვინეობის სექტორისა. 2012 წელს სახელმწიფომ მთელი მოსავლის დაახლოებით 63 % ჩაიბარა, შესაბამისად ნიშნავს იმას, რომ კერძო სექტორმა ჩაიბარა გაცილებით ნაკლები, ვიდრე წინა პერიოდში. ჩვენ შევცვლით თამაშის წესებს. რთველი 2013 იქნება ისეთი, რომ გლეხი გახდეს უფრო კონკურენტუნარიანი, ხოლო წარმოება უფრო თანამედროვე. ძალიან მნიშვნელოვანია ეს წელი ჩვენთვის და მთელ რიგ ცვლილებებს ვაპირებთ ამ მიმართულებით.

კერძოდ, უკვე დაემატა შეღავათიანი აგრო კრედიტების პროექტს მეხუთე კომპონენტი. ეს არის სესხი მეღვინეებისათვის. ისინი ვინც იბარებენ ყურძენს მოსახლეობისაგან შეძლებენ, რომ 15 თვიანი შეღავათიანი კრედიტი აიღონ რომლის ღირებულება იქნება არაუმეტეს 6 %-ის. ერთი დიდი განსხვავება არის ის, რომ ნაცვლად ვაუჩერების სუფსიდირებისა, მოხდება მეწარმეთა დაფინანსება პირდაპირი დახმარების წესით", - განაცხადა სოფლის მეურნეობის მინისტრმა.