დიდი ბრიტანეთის სამეფო ოჯახის პატარა წევრი პრინცესა შარლოტას უკვე მოდაზე დიდი გავლენა აქვს. თანაც ისეთი, რომ სულ რაღაცა 3 წლის შარლოტამ ბრიტანეთის ეკონომიკას უკვე 4.3 მილიარდი დოლარი მოუტანა.

ამის შესახებ შეფასებისა და სტრატეგიული საკონსულტაციო ფირმა Brand Finance Group-ის მონაცემებიდან ხდება ცნობილი.

პრინცესა ყოველი საჯარო გამოჩენისას „შოუს იპარავს“ და დღის მთავარი მოვლენა ხდება. ელვისებური სისწრაფით იყიდება სამოსი, რომელიც მას ეცვა, ფოტოები, ჟურნალები, რომლებშიც მასზე ინფორმაციაა.

შარლოტამ ბრიტანეთის ბიუჯეტზე ზრუნვა დაბადებიდანვე დაიწყო. TIME- ის მიხედვით, მისი დაბადების დღეს, 10 საათში გაიყიდა 100 000 შალის მოსასახამი, ისეთივე, როგორშიც პრინცესა იყო გახვეული, როდესაც საავადმყოფოდან გამოიყვანეს.

ეს რიცხვი შარლოტას უფროსი ძმის, პრინცი ჯორჯის მიერ გამომუშავებულ თანხაზე მეტია. კომპანიის მონაცემებით, პატარა ჯორჯმა ბრიტანეთის ეკონომიკას 3.2 მილიარდი დოლარი მოუტანა.

აღსანიშნავია, რომ პაპარაცებს შარლოტა უფრო სწყალობს, ვიდრე ჯორჯი. რომელიც დისგან განსხვავებით უფრო მორცხვია.

ექსპერტების განმარტებით, სამეფო ბავშვები ბრიტანეთის ეკონომიკაზე ძალიან პოზიტიურად მოქმდებენ და ისინი ფაქტობრივად თვითონ გამოიმუშავებენ, იმ ბიუჯეტს, რომელიც სამე3ფო ოჯახის წევრებისკენ არის მიმართული.

გარდა ამისა, სამეფო ბავშვები ტურიზმზეც დადებითად მოქმედებენ, რადგან ბევრი ტურისტი ბრიტანეთში სწორედ იმიტომ ჩადის, რომ პრინც ჯორჯს ან პრინცესა შარლოტას მოჰკრან თვალი ბუკინგემის სასახლის აივნებზე.

პრინცესა შარლოტასა და პრინცი ჯორჯის ბოლო ფოტოები სამეფო ქორწილიდან