თურქმენეთში პოლიცია იმ ხალხს ეძებს, ვინც ტრ..ს პრეზიდენტის პორტრეტით იწმენდს

მსოფლიო - 16:17, 22 May, 2018

3023

თურქმენეთში, ბალკანის ველაიათის ქალაქ გუმდაგში, რაიონულმა პოლიციამ იმ პირების გამოვლენა დაიწყო, რომლებიც საპირფარეშოებში ტუალეტის ქაღალდის ნაცვლად, გაზეთებს იყენებენ, რომლებშიც პრეზიდენტ გურბანგულ ბერდიმუხამედოვის ფოტოებია. ასეთი ბრძანება სამართალდამცავებმა შსს-ს მაღალჩინოსნებისგან მიიღეს.

სამართალდამცავები ამოწმებენ კერძო საპირფარეშოებს. დარღვევის აღმოჩენის შემთხვევაში, პირს, რომელიც ტუალეტის ქაღალდის ნაცვლად პრეზიდენტის ფოტოიან გაზეთს გამოიყენებს, პირველ ჯერზე გააფრთხილებენ. აღნიშნული გაფრთხილება უკვე ბევრმა მიიღო, რადგან ეკონომიკური მდგომარეობის გამო თურქმენები ტუალეტის ქაღალდზე ეკონომიას აკეთებენ და შესაბამისი ფუნქციით, გაზეთებს იყენებენ. გარდა ტუალეტისა სამართალდამცავებს ნაგვის შემოწმებაც ევალებათ, მათ სახლებთან არსებული ნაგვის რნები უნდა შეამოწმონ და იქ პრეზიდენტის სურათიანი გაზეთის აღოჩენისას, უნდა დაადგინონ ნაგვის „მფლობელის“ ვინაობა და შესაბამისი ღონისძიებები უნდა გაატარონ.

ეს არ არის პირველი შემთხვევა, როდესაც თურქმენეთის პოლიცია, მსგავს შემოწმებებს ატარებს. როგორც „რადიო თავისუფლების“ თურქმენეთის ფილიალი იუწყება, გასულ თვეს ერთ-ერთი სკოლის დირექტორი თანამდებობიდან გაათავისუფლეს მას შემდეგ, რაც სკოლის ტუალეტში პრეზიდენტის ფოტოებიანი გაზეთი აღმოაჩინეს, ამ ფაქტის შემდეგ კი პოლიციამ საცხოვრებელი სახლების სპონტანური შემოწმებებიც დაიწყო.

სავარაუდოდ, გაზეთების ტუალეტის ქაღალდის ფუნქციით შეიძლება გამოყენებული იქნას მას შემდეგ, რაც მათგან გურბანგულ ბერდიმუხამედოვის ფოტოების ამოჭრა მოხდება. სხვათა შორის, ასეთი დავალება მიიღეს ერთ-ერთი სკოლის მასწავლებლებმა- შეეკრიბათ გაზეთიდან ამოჭრილი ფოტეოები და ისინი სპეციალურ ალბომში ჩაეკრათ. ხელისფლებამ ისინი გააფრთხილა, რომ ალბომებს წლის ბოლოს გადაამოწმებენ.