20 მაისი შიდსით გარდაცვლილთა ხსოვნის საერთაშორისო დღეა. ეს დღე 1983 წლიდან, მაისის მესამე კვირას აღინიშნება და წელს მისი დევიზია „გავიაზროთ ჩვენი წარსული და მოვემზადოთ მომავლისთვის.“

საქართველოში, გასულ წელთან შედარებით, აივ/შიდსის შემთხვევათა მაჩვენებელი გაზრდილია და 7000-ს გადააჭარბა. დღეის მდგომარეობით, ქვეყანაში 7032 აივ/შიდსის მქონე ადამიანია რეგისტრირებული. თუმცა, როგორც ცენტრში აცხადებენ, სავარაუდოდ, საქართველოში რეალურად 11 000-მდე აივ/შიდსით დაავადებული ცხოვრობს.

ცენტრის მონაცემებით, წელს 270 ახალი შემთხვევა დაფიქსირდა, რაც 30 შემთხვევით მეტია გასული წლის შესაბამის პერიოდთან შედარებით.

ამავე დროს, ძირითადად დაინფიცირება ბოლო წლებში სექსუალური ურთიერთობის მეშვეობით ხდება და იკლო სისხლით მეშვეობით გადადების შემთხვევებმა .