როგორი იქნება ვირუსი, რომელმაც შეიძლება პანდემია გამოიწვიოს

ჯანმრთელობა - 11:21, 20 May, 2018

3745

მსოფლიოს ისტორიაში არაერთი მასშტაბური ეპიდემაა ცნობილი, რომელთაც ასეულათასობით ადამიანის სიცოცხლე შეიწირეს. ყველაზე მასშტაბური პანდემია ე.წ. "ესპანურმა გრიპმა გამოიწვია, რომელის ასი წლის წინ დაატყდა თავს კაცობრიობას და 1918-1919 წლებში 50-100 მილიონამდე ადამიანი (მოსახლეობის 2,7-5,3%) იმსხვერპლა. გრიპი სწრაფად ვრცელდებოდა და დაავადებულთა რიცხვმა 550 მილიონს (მოსახლეობის 30%-ს) მიაღწია.

ელოდება თუ არა დედამიწას მსგავსი ხასიათის ეპიდემიები? ჯონ ჰოპკინსის უნივერსიტეტის საზოგადოებრივი ჯანმრთლობის სკოლის მეცნიერებმა გამოაქვეყნეს მოხსენება, სადაც აღწერეს ახალი ინფექციის კონტურები, რომელმაც შეიძლება ახალი პანდემია გამოიწვიოს.

მეცნიერები თვლიან, რომ ახალი ვირუსი რნმ-ვირუსების ტიპის იქნება. მიუხდედავად იმისა, რომ რნმ გაცილებით ნაკლებად სტაბილურია, ვიდრე დნმ, მას სწრაფი მუტაციისა და წამლებისადმი იმუნიტეტის გამმომუშავება შეუძლია. სწრაფად ცვლად რნმ-ვირუსების ტიპს განეკუთცვნება ჩვეულებრივი გრიპი, რომელიც მრავალნაირ მუტაციას განიცდის. ხოლო სწორედ მუტაციის დაბალი უნარის გამო არ გახდნენ ებოლასა და ზიკას ვირუსები პანდემიური.

ასევე მეცნიერები ამტკიცებენ, რომ ახალი ვირუსი ჰაერწვეთოვანი გზით იქნება გადამდები. ამასთან მან იქამდე უნდა დაავადოს ახალი ვირუსმატარებლები, სანამ წინა გადამტანს ვირუსის სიპმტომები გამოაჩნდება. ამასთან, ვირუსს ლეტალური შედეგის ძალიან დაბალი მაჩვენებელი ექნება, საწყის ეტაპზე. ახალ ვირუსს ასევე სავარაუდოდ, ე.წ. ჩვენს ორგამიზმში "მიძინების უნარიც" ექნება - ადამიანი გარეგნულად აბსოლუტურად ჯანმრთელი, მაგრამ ამავე დროს "მოსიარულე ბომბი" იქნება, რაც ამ ბვირუსთან ბრძოლის მთავარ პრობლემას წარმოადგენს "გაღვიძებისთანავე" ვირუსმა ეპიდემიის ახალი ეტაპი შეიძლება წამოიწყოს.