მანდატურებმა მოითხოვეს, რომ აქციის მონაწილეებს პლაკატები 20 მეტრში გადაეტანათ, როგორც ამას კანონი მოითხოვს, თუმცა, აქციის მონაწილეები მიუთითებდნენ, რომ აქცია არა ეზოდან, არამედ შენობიდან 20 მეტრშია დაშვებული.

ნანა კაკაბაძის განცხადებით, "რა მიზანი უნდა ჰქონდეს აქციას, როცა სასამართლო ბაჩო ახალაიას მიმართ ხმარობს ისეთ სიტყვას, როგორიცაა "გამართლება".

ბაჩო ახალაიას ადვოკატები კი აცხადებენ, რომ მას შემდეგ, რაც მტკიცებულებები აღარ დარჩა, ხელისუფლებამ ნაცად ხერხს მიმართა: "პროვოკატორები მოყარეს, ერთუჯრედიანები და კრიმინალები, რომლებმაც არც იციან, რას აპროტესტებენ", - აცხადებს ადვოკატი.

საპროტესტო აქციის მონაწილეებს გაშლილი ჰქონდათ სხვადასხვა სახის პლაკატები, მათ შორის "ბაჩო ახალაია, შენი ადგილი სანაგვეზეა" და სხვა.

დღეს ბაჩო ახალაიას სასამართლო პროცესზე ე. წ. სპეცრაზმელების ეპიზოდს განიხილავენ. სიტყვას ბრალდებული ბაჩო ახალაიაც წარმოთქვამს, რის შემდეგაც მოსამართლე სათათბირო ოთახში გავა და, შესაძლოა, განაჩენი დღესვე გამოაცხადოს.