მოსკოვში, ომის ვეტერანს, 101 წლის კლავდია ტიმოფეევას, 9 მაისს საჩუქრად ვადაგასული პროდუქცია გადასცეს.

ამის შესახემ მისმა შვილიშვილმა რუსულ მედიასთან ისაუბრა.

მისი თქმით, გასული წლებისგან განსხვავებით, ბებიამისისთვის „გამარჯვების დღეს“ შესაბამისი სტრუქტურების წარმომადგენლებს არ მიულოციათ, სატელეფონო ზარითაც კი. ოლგას თქმით, ვეტერანთა საბჭომ მის ბებიას საკვები პროდუქტების ვაუჩერი 7 მაისს გაუგზავნა. საჩუქრის წამოსაღებად კი მისი შვილი წავიდა.

„მაღაზია იმავე შენობაში იყო, სადაც ვეტერანთა საბჭო, სადაც დედას შავი პარკი გადასცეს, რომელშიც ერთი შეკვრა შაქარი, ჩაი , ბრინჯი, დაკონსერვებული სიმინდი და მდნარი ყველი აღმოჩნდა, ყველაზე იაფიანი, რაც კი არსებობს. მაგრამ ყველაზე მთავარი , ყველი ვადაგასული იყო, შეფუთვაზე 01.03.18 ეწერა“ - ამბობს ოლგა.

მისი თქმით, ვეტერანტა საბჭოს აღნიშნულთან დაკავშირებით კომენტარი არ გაუკეთებია.