ნუ გაეჯიბრებით, რუსები თქვენზე მეტს დალევენ - რჩევა ბრიტანელ ფეხბურთის ფანებს

ეს საინტერესოა - 19:00, 13 May, 2018

1798

რუსეთამდე არც ისე შორია, მაგრამ იცოდეთ, ეს სულ სხვა სამყაროა, ამიტომ იქ ჩასვლამდე გაეცანით ამ რჩევებს, რათა უკეტესად იცნობდეთ ადგილობრივებს და ადგილობრივ სიტუაციას, - წერს ბრიტანული The Sun, იმ თანამემამულეების საყურადღებოდ, ვინც მსოფლიო ჩემპიონატის დასაწრებად რუსეთში აპირებს გამგზავრებას.

საინტერესოა, რომ ძირითადი აქცენტი ალკოჰოლის მიღებაზეა გაკეთბული. უპირველეს ყოვლისა, ფანებს ურჩვენ, რომ უარი თქვან ჩვეულ წესზე - ბართან დგომასა და სასმელის მიღებაზე, რადგან რუსეთში უფრო მიღებულია მაგიდასთან ჯდომა.

გაზეთი მოუწოდებს გულშემატკივრებს, ფრთხილად იყვნენ ვოდკასთან და არასდროს აიურონ ის ლუდთან, რადგან შედეგი საშინელი იქნება, განსაკუთრებით მეორე დილით.

ასევე, არ ურჩვენ ბრიტანელებს, რომ რუსებს სმაში გაეჯიბრონ, რადგან ისინი მათზე მეტს დალევენ, მითუმეტეს თუ ეს სასმელი არაყი იქნება.

"ჩვენ, ბრიტანელები სრულიად ვკარგავთ თვითკონტროლს როცა საქმე სასმელს ეხება, რ~უსებს კიდევ გაგიჟებამდე უყვართ თავიანთი არაყი - ვოდკა. თუ ამ ორ კომპონენტს შევაერთბთ, სასიკვდილო კომბინაციას მიიღებთ. არ არის საჭირო სიბრმავემდე დათვრეთ, ან გაეჯიბროთ ვინმეს, განსაკუთრებით თუ საქმე ვოდკას ეხება, ისინი თქვენზე მეტს დალევენ," - წერს გაზეთი.

ფანებს ურჩევენ, რომ სასმელს აუცილებლად მიაყოლონ რამე, როგორც ამას რუსები აკეთებენ - თევზი, ძეხვეული, ყველა და სხვა. ასევე ურჩევენ, რომ არ დალიონ არაყი Smirnoff-ი, რადგან ის ძალიან მაგარია და უფრო მსუბუქი აირჩიონ, მაგალითად "რუსსკი სტანდარტი".