„ევროვიზია 2018“- ზე რუსეთის წარმომადგენელს , 30 წლის იულია სამიოლოვას სიმღერის შესრულებისასა ტექსტი დაავიწყდა.

იულია ის მომღერალია, რომელსაც „ევროვიზიაში“ მონაწილეობის მიღება შარშანაც სურდა, თუმცა უკრაინამ ქვეყანში არ შეუშვა, რადგან მას რუსეთის მიერ ოკუპირებულ ყირიმში კონცერტი აქვს გამართული. წელს იულიამ ბედი ისევ სცადა, თუმცა არაფერი გამოუვიდა. მისი შესრულება რც ისე კარგი იყო და რუსეთი ფინალში ვერ გავიდა.

კულისებში გასული მომღერალი კი ატირდა.

რუსული შოუ-ბიზნესის წარმომადგენლები იულიას გამოსვლით აღფრთოვანებულები არ იყვნენ და ეს სოციალურ ქსელებშიც გამოხატეს.

პროდიუსერმა იოსიფ პრიგოჟინმა განაცხადა, რომ ეს კარგი გამოსვლა არ იყო.

„გამიკვირდებოდა რუსეთი ფინალში რომ გადასულიყო. ეს არ იყო კარგი გამოსვლა, ისეთი შეგრძნება მქონდა, რომ ულიას ყურსასმენები არ უმუშავებდა“ - განაცხადა პროდიუსერმა.

ანდრეი მალხოვმა კი ინსტაგრამზე უბრალოდ კადრი ატვირთა.