11, 12 და 13 მაისს სიფრთხილე გვმართებს ყველას - კვირის ასტროლოგიური ტენდენციები

ეს საინტერესოა - 10:45, 11 May, 2018

4283

შესაძლოა, რაღაც მომენტში მოგეჩვენოთ, რომ კარდინალური ცვლილებებისთვის მზად არ ხართ და უკან დაიხიოთ.მაგრამ მაშინ გარემოებები და/ან სხვა ადამიანები თქვენს მაგივრად მიიღებენ გადამჭრელ ზომებს და ეს ბევრად უფრო უსიამოვნო იქნება. ამის შესახებ ასტროლოგი ხათუნა ნოელი საუბრობს.
"ყველაზე გამოკვეთილად ეს ასპექტი 11 მაისს იმუშავებს და მის ზემოქმედებას კუროსა და თხისრქის ნიშნის ქვეშ დაბადებული ადამიანები იგრძნობენ. აგრეთვე ისინი, ვისაც პირადი პლანეტები ამ ზოდიაქოების 18-21გრადუსების ფარგლებში ჰყავთ.
10 მაისს ირთვება მერკურის კვადრატი მარსთან და შეერთება ურანთან.რაც იმას მოასწავებს, რომ წინ არც თუ ისე იოლი პერიოდი გველის. მართალია მერკურისა და ურანის შეერთებას ორიგინალური იდეების მოცემაც შეუძლია, მაგრამ არ უნდა დაგვავიწყდეს, რომ ამჯერად მას თან ახლავს მარსთან კვადრატი. საქმე იმაშია რომ ამ პლანეტების კონფლიქტს შეუძლია გამოიწვიოს ავარიები, ტრამვები. სიფრთხილე მართებთ, როგორც მძღოლებს, ისე ფეხით მოსიარულეებსაც.ამ ასპექტის დროს ხშირად ელექტროხელსაწყოების გაუმართაობასაც აქვს ხოლმე ადგილი.
ამიტომ იფრთხილეთ დენთან მიმართებაში, განსაკუთრებული ყურადღება მიაქციეთ პატარა ბავშვებს, რომ არ შეეხონ საშიშ ნივთებს.
ამ ასპექტს ბევრი სირთულის შემოტანა შეუძლია ჩვენს ცხოვრებაში. ირღვევა ყოველდღიური, ჩვეული რეჟიმი, საქმეები მოითხოვს სწრაფ გადაწყვეტილებებს, სრული ქაოსია ინფორმაციასთან დაკავშირებით, ასევე ქაოსი სუფევს ურთიერთობებში, კონტაქტები უამრავი, და დამღლელი. გაუფრთხილებელი სტუმრები, მომაბეზრებელი საუბრები.... მწყობრიდან გამოდის კომპიუტერი, მობილური....
მერკურისა და ურანის დაძაბულ ასპექტებზე საერთოდ არასასურველია ელექტროტექნიკის შეძენა.
ეს ის პერიოდია, როდესაც არ ღირს თვითმფრინავით ფრენის გარისკვა. ასევე არ ღირს ხელშეკრულებების და სხვა საბუთების გაფორმება.
ვინაიდან მარსი თხისრქაშია, ხოლო ურანი ვერძში ამ ნიშნების წარმომადგენლებმა ჯობია გაორმაგებული ყურადღება გამოიჩინონ. თუმცა სხვებიც თუ ყურადღებით იქნებიან, ცხადია არ იქნება ურიგო. მეტადრე ისინი, ვისაც ეს პლანეტები ვერძში ვერძისა და თხისრქის ზოდიაქოში ჰყავთ. ასპექტი ძალაში იქნება კვირის ბოლომდე, თუმცა განსაკუთრებულად ძლიერ გამოხატულ ხასიათს 12 და 13 რიცხვებში შეიძენს.
13 მაისს საღამოს 6-ის ნახევრისთვის, მერკური ვერძის ნიშნიდან კუროს ზოდიაქოში გადაინაცვლებს. ამ მოვლენას, ანუ პლანეტის ერთი ნიშნიდან მეორეში გადასვლას, ასტროლოგიურ ენაზე ინგრესია ჰქვია. მოდით გავარკვიოთ, რაზე შეიძლება იმოქმედოს ამ პლანეტის ინგრესიამ ტრანზიტულ ცაზე....
ეს მდებარეობა ჩვენი იმპულსურობის დაბალანსებას შეუწყობს ხელს, ვინაიდან კუროში მოძრავი მერკური დინჯია და ბევრად უფრო ფრთხილად იღებს გადაწყვეტილებებს. მისი პრაქტიკული, დამიწებული ხასიათისათვის ახალი იდეები ასე რიგად იოლი და ნაჩქარევად მისაღები არ არის ხოლმე. ამიტომ 30 მაისის ჩათვლით, ვიდრე მერკური კუროში იმოძრავებს, დიდია ალბათობა, რომ გრძნობებს ზედმეტად არ ავყვებით, სარისკო ქმედებებისაგან თავს შევიკავებთ და გონების კარნახსაც მოვუსმენთ, შესაბამისად სანანებელიც არაფერი გვექნება....
კიდევ ერთი დიდი პლიუსი ამ პერიოდისა ისაა, რომ კურო-მერკურის წყალობით ადამიანები ნაკლებ კონფლიქტურები ხდებიან..
რაღათქმაუნდა ეს ტრანზიტი ძალზე წაადგებათ მზით კუროებს და მათ, ვისაც მერკური ამ ნიშანში ჰყავს. დადებით ზეგავლენას იგრძნობენ ასევე ქალწულებიც და თხისრქებიც. ასევე წყლის სტიქიის წარმომადგენლებიც.
აქვე შეგვიძლია ვთქვათ ისიც, რომ ვისაც პირად რუკაში მერკური კუროში ჰყავს, ეს მათ სიჯიუტეზე, ფულისა და მატერიალური ღირებულებების დაგროვების სიყვარულზე მიუთითებს. ასეთ ადამიანებს ცარიელი სიტყვების არ სწამთ და მხოლოდ ფაქტებს ენდობიან. მართალია რაიმეს წამოწყებას ძნელად გადაწყვიტენ, თუმცა თუ წამოწყებული, საქმე ბოლომდე მიჰყავთ. სხვათაშორის, მერკურის ასეთი მდებარეობა ძალიან ხელსაყრელია კარიერული ზრდის თვალსაზრისით" - ამბობს ასტროლოგი