ქუთაისის მერიის ადმინისტრაციის ხელმძღვანელი ,,პირველ რადიოსთან" საუბრისას აცხადებს, რომ მას არ გაუცია ,,ფეისბუქის" დაბლოკვის ბრძანება, თუმცა ფიქრობს, რომ სამუშაო საათებში სოციალურ ქსელებზე facebook-ის გარდა skype, youtube, myvideo.ge-სა და одноклассники-ც შეზღუდვა უნდა დაწესდეს.

"მე ვთვლი, რომ ზოგადად სოციალური ქსელები, მარტო ფეისბუქს არ ვგულისხმობ, ისეთი როგორიც facebook, skype, youtube myvideo.ge და одноклассники, თუ რომელიმე თანამშრომლის უშუალო კომპეტენციაში არ შედის ამ ქსელების საშუალებით ინფორმაციის მოძიება ან განთავსება მისი მოხმარება სამუშაო საათებში არ არის ნამდვილად მისასალმებელი, ჯერ ერთი ისინი დროს კარგავენ იმაში რაც არ არის მათი სამსახურეობრივი მოვალეობა და მეორეც გადატვირთული ქსელის კიდევ უფრო მეტად დატვირთვა ხდება". განაცხადა ირინე სახელაშვილმა "პირველ რადიოსთან" საუბრისას.