გოგონას ნათესავებმა ბათუმის ქუჩებში განცხადებები გამოაკრეს და მოქალაქეებს ნებისმიერი სახის ინფორმაციის მიწოდებას სთხოვენ, რომელიც დარეჯანის კვალის პოვნაში დაეხმარებათ. ,,აჭარა P.შ"-ის ინფორმაციით, როგორც ოჯახის წევრები ამბობენ, ბავშვს ოჯახში კონფლიქტი არავისთან ჰქონია, იგი ავადმყოფ ბებიას უვლიდა და ოჯახს უძღვებოდა, რადგანაც დედამისი თურქეთში სამუშაოდ იმყოფება, მას შეყვარებულიც ჰყავდა, თუმცა როგორც გაირკვა დარეჯანის გაუჩინარების შესახებ არც მან იცის.

გოგონას პირადი ტელეფონი 7 აგვისტოს დილით გაითიშა, თუმცა იმავე დღეს შუადღისას რამდენიმე წამით ჩაირთო, ოჯახის წევრების განცხადებით, სატელეფონო ანძამ კომახიძის 7 ნომრის კოორდინატები დააფიქსირა, თუმცა აღნიშნულ მისამართზე გოგონა არ უნახავთ. შს სამინისტრომ სამძებრო სამუშაოებში აჭარაში პოლიციის დამატებითი ქვედანაყოფები ჩართო. საქმე საქართველოს შინაგან საქმეთა მინისტრმა პირად კონტროლზე აიყვანა.

გამოძების ინტერესებიდან გამომდინარე დეტალების გახმაურებისგან გამომზიებლები და ოჯახის წევრები თავს იკავებენ.