ქალები აღარ ეძებენ "ოჯახის უფროსს", ისინი უმცროს მამაკაცებზე უფო ხშირად ქორწინდებიან

ეს საინტერესოა - 14:50, 07 May, 2018

5013

საფრანგეთის სტატისტიკის ეროვნული ინსტიტუტის მონაცემებით 2000-იან წლებში წყვილები, სადაც ქალი მამაკაცზე უფროსია საერთო რაოდენობის 16% შეადგენენ, მაშინ როდესაც ეს მონაცემები 60-იან წლებში 10% იყო. ხშირია ისეთი წყვილები, სადაც ქალი მამკაცზე 10 და მეტი წლით არის უფროსი.

დასავლეთის ქვეყნებში ამის უამრავი მაგალითია: მაკრონების წყვილი - საფრანგეთის პირველი ლედი მეუღლეზე 24 წლით დიდია, შერონ სტოუნი და მისი იტალიელი მეუღლე - ანჯელო ბოფა მსახიობზე 19 წლით პატარაა და მადონა, რომლის გვერდითაც თითქმის ყოველთვის მასზე ასაკით პატარა მამაკაცები ჩნდებოდნენ.

მიუხედავად ამისა ურთიერთობის ტრადიციული მოდელი, სადაც მამაკაცი ქალზე უფროსია ისევ პოპულარულია. საფრანგეთის სტატისტიკის უწყების ინფორმაციით, ვარიანტი, როდესაც მამაკაცი ქალზე 2-2,5-ით უფროსია ყველაზე მისაღებად ითვლება. ამის საფუძველი არის ის საუკუნეებგამოვლილი მოსაზრება, რომ კაცი ეძებს ახალგაზრდა, ნაყოფიერ ქალს, რომელიც მისი შვილების დედა იქნება, ქალი კი „მფარველის ძებნაშია“. ასაკობრივი სხვაობა კაცის სასარგებლოდ, მამრობითი სქესის დომინანტობის ერთ-ერთი გამოხატულებაა ახლაც.

ბოლო ოცი წლის განმავლობაში კი ამ მხრივ ცვლილებები შესამჩნევი გახდა, ეს შესაძლოა სქესთა თანასწორობის ნიშნად და მსოფლიოში გამაფებულ პატრიარქალურ მოდელის შერყევის წინაპირობად იქნას განხილული.

ქალები გახდნენ ფინანსურად დამოუკიდებლები, მათ აღარ სჭირდებათ „ოჯახის უფროსები“. მათ სურთ, იცხოვრონ იმასთან, ვისთან ცხოვრებაც საუკეთესოდ მიაჩნიათ, ასაკის თემის განხილვის გარეშე და ნაკლებად აქვთ იმის კომპლექსი, რომ საზოგადოებაში თავისზე ახალგაზრდა პარტნიორთან ერთად გამოჩნდნენ.

მომზადებულია ფრანგული მედიის მიხედვით.