ჯეიკი გოგოდ დაიბადა, ჰანა კი ბიჭად - "შესაძლებელია იყო ტრანსგენდერი და იყო ბედნიერი" (ფოტო, ვიდეო)

ეს საინტერესოა - 13:39, 07 May, 2018

11502

ჯეიკ გრეიფი დაიბადა, როგორც გოგო, ჰამა ვინტერბურნი კი როგორც ბიჭი. ტრანსგენდერმა წყოლმა ერთმანეთი 2015 წელს აღმოაჩინა.

ჰანა ბრიტანეთის არმიის ყველაზე მაღალი რანგის ტრანსგენდერი ოფიცერია და მან გადაწყვეტილება, რომ ქალი გამხდარიყო, არმიაში აქტიური სამსახურის პერიოდში მიიღო. ჯეიკ გრეიფი კი ამერიკელი მსახიობი და რეჟისორია, ის უკვე გამოჩნდა ფილმში „დანიელი გოგო“

ჯეიკი:

მოზარდობისას, როგორც ტრანსგენდერი ბავშვი მე არც კი ვოცნებობდი იმაზე, რომ მე ასეთი შესანიშნავი ცოლი მეყოლებოდა. ბავშვობაში თავს ვგრძნობდი, როგორც უცნაური ბავშვი,ვფიქრობდ, რომ არავინ იყო ჩემნაირი, რომ მე ძალიან დიდი პრობლემა მქონდა, 25 წლამდე სხვა ტრანსგენდერი მამაკაცი ნანახიც კი არ მყავდა, ვერ წამომედგინა რომ არსებობდნენ ჩემნაირი ადამიანები, ან ჰანასნაირი ადამიანები.

ჰანა:

ფიქრიც კი ვერ წარმომედგინა. რომ შესაძლებელი იყო ჩემთვის ქორწინება, როგორც ჯეიკს ბავშვობაში ეს მეც მიუღწევლად მიმაჩნდა. ცხოვრება რომელიც მე გავიარე არ იყო ადვილი და მე ვფიქრობდი, რომ ამის მიღწევა შეუძლებელი იყო. იმის აღმოჩენა რომ ეს ჯეიკთან შესაძლებელია, იყო ხელმეორედ დაბადება.

ჯეიკი:

მე მას ფეისბუკზე მეგობრობა გავუგზავნე, ერთი საათის მოგვიანებით კი მან პატარა მესიჯი გამომიგზავნა: „გამარჯობა ჯეიკ, მე ვიცი რომ ჩვენ ერთმანეთს არასდროს შევხვედრივართ, მაგრამ მე მინახავს, რასაც შენ აკეთებ და ეს გენიალურია. შესაძლოა ერთ დღეს ერთმანეთსაც კი შევხვდეთ.“ და ჩვენ დავიწყეთ ლაპარაკი

რამდენიმე კვირის შემდეგ, ისინი ერთმანეთს შეხვდნენ

ჰანა:

ჩვენ პირველ შეხვედრაზე, მე უფრო ვნერვიულობდი თუმცა ჯეკი ნამდვილი ჯენტლმენი იყო. მან ორგანიზება გაუწია შეხვედრას და თავგადასავალი მოაწყო, ჩვენ ნამდვილად შესანიშნავი დრო გავატარეთ.

ჯეიკი:

ჩვენი პირველი შეხვედრა 11 საათი გრძელდებოდა, მე ვფიქრობდი თუ პირველი პაემანი 11 საათი გრძელდება და კიდევ გინდა რომ გაგრძელდეს, ეს კარგის ნიშანია

2017 წლის სექტემბერში ჯეიკმა ჰანას ნიუ იორკში დაქორწინება შესთავაზა. 2018 წლის 23 მარტს წყვილი ლონდონში დაქორწინდა .

ჯეიკი:

მე ყოველთვის მინდოდა დაქორწინება. მე ძალიან ტრადიციული ვარ, ყოველთვის მინდოდა ბავშვები. მე ვმუშაობდი ძიძად და ამის გამოცდილება მაქვს. მე მინდოდა ყველაფერი ტრადიციულად, ცოლი, ბავშვები, ნაძვის ხე, შობას კურდღელი, ყველაფერი ასე... გულახდილი რომ ვიყო, ვერასდროს ვიფიქრებდი რომ მექნებოდა... მაგრამ რაც ნამდვილად გინდა...

ჰანა:

ის, რაც ჩვენ გვინდა, არის ის, რომ ვაჩვენოთ პოზიტიური ისტორია, ტრანსგენდერი ადამიანების იმდენი ისტორია იყო მედიაში , მაგრამ ძალიან ნეგატიური. ყვებიან ადამიანებზე, რომლებიც ძალიან უბედურები არიან, ნაცემები , მოკლულები... ჩვენ გვინდა ვაჩვენოთ ხალხს, რომ შესაძლებელია იყო ტრანსგენდერი და იყო ბედნიერი.

დღეს ჰანას და ჯეიკს ტრანსგენდერ ადამიანებთან სათქმელი აქვთ

„იცოდეთ, რომ მარტო არ ხართ, ბევრი ადამიანია ჩვენნაირი, ძალა ერთიანობაშია“- აცხადებს ჯეიკი.

„ჩემთვის რომ გეთქვათ , სამი წლის წინ , რომ მე ვიჯდებოდი აქ, მამაკაცის გვერდით, რომელიც მეყვარებოდა, დაქორწინებული და ერთად დავგეგმავდით მომავალს, გეტყოდით რომ გაგიჟდით. სადაც არუნდა იყოთ, თუნდაც უფსკრულში,, იმედი არ უნდა დაკარგოთ.“- ამბობს ჰანა.