ეროვნული ბანკის რეგულაციები სესხის გაცემასთან დაკავშირებით ძალაში დღეიდან შედის, რომლის მიხედვითაც კომერციულ ბანკებს კლიენტის გადახდისუნარიანობის, მისი შემოსავლებისა და ხარჯების დეტალური ანალიზის გარეშე, სესხის გაცემა ეკრძალებათ.

ინიციატივას ეკონომიკის ექსპერტები უარყოფითად აფასებენ. მათი განცხადებით, აღნიშნული რეგულაციები პრობლემებს იმ მოაქალაქეებს შეუქმნის, რომლებსაც შემოსავალი აქვთ, მაგრამ მის ოფიციალურად დადასტურებას ვერ შეძლებენ:

„დაწესებული შეზღუდვები პირველ ეტაპზე პრობლემური აღმოჩნდება, როგორც ბანკებისთვის, ასევე მოსახლეობისათვის. განსაკუთრებით შეიძლება პრობლემები შეექმნათ იმ კეთილსინდისიერ გადამხდელებს, რომლებსაც უჭირთ ტექნიკურად შემოსავლის დასაბუთება, თუმცა რეალურად ეს შემოსავალი გააჩნიათ,“-განაცხადა კოტე ჩოკორაიამ.