ნობელის კომიტეტი ბოლო 75 წლის განმავლობაში პირველად ლიტერატურის დარგის გამარჯვებულს წელს არ გამოავლენს. გადაწყვეტილება ორგანიზაციაში ხანგრძლივი განხილვების შემდეგ მიიღეს.

მიზეზი სკანდალი გახდა, რომელშიც შვედეთის კომიტეტი გაეხვია. გაირკვა, რომ კომიტეტის წევრები ლაურეატების ვინაობის შესახებ ინფორმაციას გამოცხადებამდე ავრცელებდნენ.

შვედური მედიის ცნობით, საქმეში ეჭვმიტანილი 71 წლის ფოტოგრაფი და რეჟისორი ჟან-კლოდ არნო, რომელიც შვედეთის აკადემიის წევრისა და პოეტის, კატარინა ფროსტენსონის ქმარია. სავარაუდოდ, სწორედ არნო ავრცელებდა ლაურეატების ვინაობის შესახებ ინფორმაციას გამოცხადებამდე.

მეორე სკანდალი კი სექსუალურ შევიწროებას უკავშირდება, რომელშიც ისევ არნო ფიგურირებს. მას 18-მა ქალმა უჩივლა. დაზარალებულთა მტკიცებით შემთხვევები აკადემიის კუთვნილ შენობაში ხდებოდა.

ორივე სკანდალის გამო კომიტეტი რვა წევრს დაატოვებინეს. ნობელის კომიტეტის გადაწყვეტილებით, 2018 და 2019 წლების პრემიის მფლობელებს ლიტერატურის დარგში მომავალ წელს ერთად გამოავლენენ.