ანატოლი ნაგიევი ტანვარჯიშით იყო დაკავებული, თუმცა აგრესიული ხასითით ბავშვობიდან გამოირჩეობდა. 17 წლის იყო, როდესაც ძალადობის გამო ციხეში მოხვდა, მაგრამ სანიმუშო ქცევისთვის ვადაზე ადრე გაათავისუფლეს. ციხიდან გამოსვლის შემდეგ მოსკოვში წავიდა - მისი მიზანი მომღერალ ალლა პუგაჩვას პოვნა და მისი მოკვლა იყო.

მას „პუგაჩოვაზე მონადირე“ შეარქვეს.

ვარსკვლავთან შესახვედრად ნაგიევი დიდხანს ემზადებოდა. აგროვებდა მასზე ინფორმაცის, მისი გარემოცვის შესახებ, ეცნობოდა გასტროლების განრიგს, დადიოდა კონცერტებზე და მასთან დაახლოებას ცდილობდა. რამდენჯერმე ჩავიდა მოსკოვში. შეიძინა სოლიდური ტანისამოსი, თაიგული, კონცერტის შემდეგ მომღერლის საგრიმიოროში შევიდა და თავი ბიზნესმენად გააცნო. ნაგიევმა იმდენი მაოხერხა, რომ პუგაჩოვამ მას საკუთარი სავიზიტო ბარათიც კი მისცა და სახლში შეხვედრაც დაუთქვა.

ერთ-ერთი ვერსიით, ნაჯიევი მთელი საღამო ელოდებოდა სახლის სადარბაზოსთან პუგაჩოვას, რომელიც იმ ღამე სახლში არ მისულა. მეორე ვერსიით, კი მომღერალი სახლში მივიდა და სადარბაზოშიც მარტო შევიდა. ნაგიევი ცდილობდა შეუმჩნევლად შეყოლოდა ლიფტში, თუმცა პუგაჩვას კონსიერჟმა დაუძადა და ლიფტიდან გამოვიდა.

მანიაკი თვეების განმავლობაში ელოდებოდა ამ მომენტს და ის კონსიერჟმა ჩაუშალა. ახლა ყველაფერი თავიდან უნდა დაეწყო.

ის კურსკის რაიონში დაბრუნდა. 1980 წლის ივლისში , მატარებელში მან ოთხი გოგონა გააუპატიურა, მოკლა და ფანჯრიდან გადაადგო. მოგვიანებით, გამომძიებლებთან განაცხადა, რომ ყველა მათგანში პუგაჩოვას ხედავდა. ის მაშინ დაიჭირეს, როდესაც იმ ბეჭდის გაყოდვას ცდილობდა, რომელიც მსხვერპლს თითიდან მოხსნა. ნაგიევს სასიკვდილო განაჩენი გამოუტანეს.

1981 წლის აგვისტოში ის დასახვრეტად ნოვოშერკასკში წაიყვანეს. გზაზე ის ბადრაგს გაექცა და ერთი თვის განმავლობაში იმალებოდა. საბოლოოდ, ერთ-ერთ სოფელში, ქალის ტანისამოსში გამოწყობილი იპოვეს.

1981 წლის 28 აგვისტოს ნაგიევი დახვრიტეს.