დიდი ბრიტანეთის ლორდთა პალატა ხელს უშლის ერის დემოკრატიული ნების აღსრულებას ევროკავშირიდან გამოსვლის შესახებ, აცახდებს ქვეყნის საგარეო ვაჭრობის მინისტრი ლიამ ფოქსი Sky News-თან ინტერვიუში.
მისი თქმით, პარლამენტის ზედა პალატამ საკანონმდებლო ორგანოს მიანიჭა უფლება დაბლოკოს ან გადადოს Brexit-ის ფინალური შეთანხმება.
მინისტრი პალატის წევრებს ახსენებს, რომ ისინი ამ თანამდებობაზე არჩეულები არ არიან.
ლორდთა პალატის წევრებმა დღეისათვის უკვე შეიტანეს 7 შესწორება კანონში "დიდი ბრიტანეთის ტერიტორიაზე საერთოევროპული კანონმდებლობის გაუქმების შესახებ". სავარაუდოდ, თემთა პალატა ამ შესწორებებს გააუქმებს, მაგრამ ეს სიტუაცია ცხადყოფს, რომ ბრიტანეთის პარლამენტში, ისევე როგორც მთლიანად ქვეყანაში, Brexit-თან მიმართებაში აზრთა დიდი სხვადასხვაობა არსებობს.
შეგახსენებთ, რომ რეფერენდუმზე ევროკავშირიდან გასვლის მომხრე მონაწილეთა 51,9 % იყო და, როგორც აცახდებენ, ეს არ არის მოსახლეობის უმრავლესობის განწობა. Brexit-ის პროცედურების დასრულება 2019 წლის 29 მარტისთვის არის ნავარაუდები.
მასალის გამოყენების პირობები






