ბაღდადში, სისხლის სამართლის ცენტრალურმა სასამართლომ , ტერორისტული ორგანიზაცია „ისლამური სახელმწიფოს“ წევრობისთვის რუსეთის 19 ქალ მოქალაქეს სამუდამო პატიმრობა მიუსაჯა.

შეგახსენებთ, მიმდინარე თვეში რუსეთის საგარეო საქმეთა სამინისტროს პრესმდივანმა, მარია ზახაროვამ განაცხადა, რომ ბაღდადში დაკავებულია 50-დან 70-მდე "რუსულენოვანი ქალი", მათ 100-ზე მეტ ბავშვთან ერთად. ზახაროვა აცხადებდა, რომ საელჩოს არ მისცეს განსასჯელთა მონახულების უფლება.

ამავე სასამართლომ 29 აპრილს სამუდამო პატიმრობა მიუსაჯა ექვს ქალს აზერბაიჯანიდან და ოთხს ტაჯიკეთიდან. ქალების ვინაობა არ სახელდება.