ამსტერდამში საქართველოს მესამე პრეზიდენტთან ოპოზიციის ლიდერების შეხვედრის ახალი დეტალები ხდება ,,ნიუპოსტისთვის“ ცნობილი. შეიქმნა რამდენიმე მნიშვნელოვიან პრინციპზე დაფუძნებული ,,ღია პლატფორმა“, რომელიც ოპოზიციური ძალების კონსოლიდაციის საფუძველი გახდება.

„ღია პლატროფრმა“ ეფუძნება რამდენიმე მნიშვნელოვან პრინციპს:

ოლიგარქიული მმართველობის დასრულება; პრაიმიერისი გზით, რეიტინგული საპრეზიდენტო კანდიდატის შერჩევა და პოლიტიკური და საზოგადოებრივი ინტერესჯგუფების შემოერთება.

როგორც ,,ნიუპოსტს“ ადგილზე მყოფმა ლიდერებმა განუცხადეს, გრძელვადიან პერსპექტივაში მათი მიზანია შეიქმნას დიდი ოპოზიციური კოალიაცია, რომელიც ორიენტირებული იქნება ხელისუფლებაში მოსვლაზე.

„აბსოლუტურად ღიაა კარები ყველასთვის და ჩვენ უნდა გავაკეთოთ ინდივიდუმების გაერთიანება. ყველა ასაკის, სქართველოს პატრიოტების, ქართული საქმის მკეთებლების. ჩვენ ქრისტიანულ, ეროვნულ ფასეულობებზე დაფუძნებით,“ - განაცხადა მიხეილ სააკაშვილმა.