თავმოკვეთილი ღორის ტვინი მეცნიერებმა 36 საათის განმავლობაში აცოცხლეს

ეს საინტერესოა - 17:53, 28 Apr, 2018

6861

იელის უნივერსიტეტის მეცნიერები აცხადებენ, რომ მათ შესძლეს ღორის ტვინის ფუნქციონირება, რომელიც სხეულს მოცილებული იყო, 36 საათის განმავლობაში შეენარჩუნებინათ.

მკვლევართა ჯგუფმა დაახლოებით 100 ღორზე ჩაატარა ექსპერიმენტი. მათ ღორების მოკვეთილ თავებს, ოთხი საათის შემდეგ, სპეციალური მოწყობილობების მეშვეობით, აღუდგინეს სხეულის ტემპერატურამდე გამთბარი ხელოვნური სისხლის მიმოქცევა. ამ სითხის მეშვეობით, ჟანგბადი არტერიების გავლით ტვინის ღეროსა და უფრო ღრმა ადგილებს მიეწოდებოდა.

ეს ტექნოლოგია, მეცნიერების აზრით, საშუალებას იძლევა ფუნქციონირება გაუხანგრძლივოს არამარტო ღორებს არამედ სხვა ცხოველებსა და პრიმატებსაც კი. ამასთან, მეცნიერებმა განაცხადეს, რომ ტვინის ცნობიერება სავარაუდოდ ჩამქრალი იყო, რადგან ენცეფალოგრამამ ნულოვანი ელეტრონული აქტივობა დააფიქსირა, მაგრამ ტვინის უჯრედები ჯანსაღი იყო და ნორმალურად ფუნქციონირებდნენ.

ეს ექსპერიმენტი, მათი განცხადებით, კიდევ საჭიროებს ექსპერტთა დამოუკიდებელი ჯგუფის შემოწმებას. პროექტი საშუალებას იძლევა შეიქმნას ადამიანის ტვინში უჯრეთშორისი რუკა, რაც საბოლოოდ აუტიზმის მიზეზების დადგენის, ალცჰეიმერის დაავადებისა და სიმსივნის მკურნალობის მეთოდების შემუშავებისკენ მიგვიყვანს.