თურქეთის ექს-პრეზიდენტი საპრეზიდენტო არჩევნებში მონაწილეობას აღარ მიიღებს

მსოფლიო - 15:49, 28 Apr, 2018

1777

თურქეთის ექს-პრეზიდენტმა აბდულა გიულმა ჟურნალისტებს განუცხადა, რომ 24 ივნისს დაგეგმილ თურქეთის პრეზიდენტის არჩევნებში მისი კანდიდატურის დაყენების შესახებ საუბარი არ არის.

ამ განცხადებით, მან ფაქტიურად მიანიშნა, რომ მის მომხრე "ისლამური კეთილდრეობის პარტიამ" ვერ მოახერხა სხვა ოპოზიციურ პოლიტიკურ ორგანიზაციებთან შეთანხმება ერთიანი საპრეზიდენტო კანდიდატის დაყენების თაობაზე.

ექს-პრეზიდენტმა ასევე აღნიშნა, რომ ქვეყანაში პოლიტიკური ვითარება პოლარიზებულია და ბევრი პოლიტიკოსი საკუთარ ინტერესებს სახელმწიფოებრივზე მაღლა აყენებს.

ადრე თურქული პრესა გიულს საერთო ოპოზიციურ კანდიდატად მოიაზრებდა, რომელიც მოქმედ პრეზიდენტს, რეჯეპ ტაიპ ერდოღანს სერიოზულ კონკურენციას გაუწევდა.

აღსანიშნავია, რომ აბდულა გიული თურქეთის მმართველი "სამართლიანობისა და განვითარების" პარტიის ერთერთი დამაარსებელია ის 2002-2003 წლებში ქვეყნის პრემიერის, ხოლო 2007-14 წლებში პრეზიდენტის პოსტს იკავებდა. საპრეზიდენტო ვადის დასრულების შემდეგ, მან მმართველი პარტიისგან დისტანცირება მოახდინა და ხშირად აკრიტიკებდა მის პოლიტიკას.

25 აპრილს მთავარი ოპოზიციური "სახალხო-რესპუბლიკური" პარტიის ლიდერმა ოზგიულ ოზელმა განაცხადა, რომ იგი არ დაუჭერს მხარს ერთიან ოპოზიციურ კანდიდატად გიულის დასახელებას.