ამერიკის შეერთებული შტატების პრეზიდენტი და პირველი ლედი ფრანგ კოლეგებს მასპინძლობენ. ემანუელ მაკრონი მეუღლესთან ერთად სამუშაო ვიზიტით აშშ-ში იმყოფება.

მსოფლიო მელანია ტრამპის ლუქებზე კიდევ ერთხელ ალაპარაკდა, განსაკუთრებით კი მის თეთრ ქუდზე.

ალბათ ბევრმა იცის სკანდალური სერიალის „სკანდალისა“ და მისი მთავარი გმირის ოლივია პოუპის შესახებ. პოუპს გასულ კვირას დავემშვიდობეთ, რადგან ძალიან პოპულარული სერიალი დასრულდა.

ოლივია პოუპის ჩაცმულობა კი სერიალში ყოველთვის ძალიან მიმზიდველი იყო, ერთ-ერთ ეპიზოდში კი იგი თეთრი ქუდითაც გვევლინება. დასავლურმა მედიამ უკვე გაავლო პარალელები ოლივიასა და მელანიას შორის.

მელანია ტრამპი ემანუელ მაკრონსა და ბრიჯიტ მაკრონს Michael Kors-ის თეთრ სამოსში გამოწყობილი შეხვდა.