დასავლეთმა სირიის საკითხში რუსეთის ვეტოს გვერდის ავლის მექანიზმი მოიფიქრა

დასავლეთმა სირიის საკითხში რუსეთის ვეტოს გვერდის ავლის მექანიზმი მოიფიქრა - The Guardian

მსოფლიო - 13:36, 25 Apr, 2018

1723

The Guardian-ის ცნობით, დასავლეთის ქვეყნები აქტიურად მუშაობენ სირიის საკითხებში რუსეთის ვეტოს გვერდის ავლის მეთოდის შემუშავებაზე. გაეროს უშიშროების საბჭოს სხდომებზე რუსეთი სტაბილურად ბლოკავს ევროპის ქვეყნებისა და აშშ-ის მიერ შემუშავებულ რეზოლუციებს, განსაკუთრებით ქიმიური იარაღის გამოყენების გამოძიებისა და ასადის რეჟიმისთვის პასუხისმგებლობის დაკისრების საკითხში.

აღნიშნული საკითხი, გამოცემის ინფორმაციით, შვედეთში განიხილებოდა, სადაც გაეროს წევრი ქვეყნების წარმომადგენლები სირიის საკითხს განიხილავდნენ. The Guardian-ის მონაცემებით, ისინი აპირებენ გაეროს გენერალური ასამბლეის 1950 წელს მიღებული რეზოლუცია "ერთობა მშვიდობისათვის" გამოიყენონ, რომელიც უშიშროების საბჭოს 9 წევრს, 15-დან, უფლება აქვს ვეტოს მიუხედავად საკითხი კენჭისყრაზე დასაყენებლად გენერალურ ასამბლეას გადაუგზავნონ.

შვედეთში შეკრებილებმა აღნიშნეს, რომ პასუხისმგებლობის მექანიზმის არარსებობა არა მარტო ხელფეხს უხსნის სირიას კვლავ გამოიყენოს ქიმიური იარაღი, არამედ მსოფლიო წესრიგს აყენებს სერიოზულ დარტყმას.