სახამებელი ერთ-ერთი ყველაზე მივიწყებული რამ არის სამზარეულოში, როემლსაც დიასახლისები ძალიან იშვიათად იყენებენ. აღსანიშნავია, რომ მისთვის საკმაოდ დიდი დატვირტვის მოძებნაც არის შესაძლებელი, რაც აუცილებლად გამოგიყვანთ ბევრი რთული სიტუაციიდან.

პირველ რიგში სახამებლით შეგიძლიათ მოამზადოთ ცხიმიანი სახისთვის იდეალური ნიღაბი: ნახევარ ჭიქა თბილ წყალში შეურიეთ 2 სუფრის კოვზი სახამებელი და მცირე დამატენიანებელი კრემი. წაისვით მიღებული მასა სახეზე და დაიტოვეთ 20 წუთითმ შემდეგ კი კარგად ჩამოიბანეთ. ეს ნიღაბი გაიკეთეთ კვირაში სამჯერ და იდეალური შედეგიც არ დააყოვნებს.

იდეალურად წმენდს შუშებს

ერთ ჭიქა ძმარში შეურიეთ ნახევარი ლიმონის წვენი, ერთი ჭიქა წყალი და 2 სუფრის კოვზი სახამებელი. კარგად აურიეთ ინგრედიენტები ერთმანეთში, შემდეგ კი თავად დარწმუნდებით თუ როგორ შეძლებს მირებული მასა მინების გაწმენდას.

იდეალურად წმენდს ვერცხლის ჭურჭელს

4 სუფრის კოვზი სახამებელი შეურიეთ 50 მილილიტრ წყალში და მიღებული სითხით დაასველეთ ხელსაწმენდი, შემდეგ კი გაწმინდეთ ჭურჭელი.

ამოჰყავს ცხიმიანი ლაქები

50 მილილიტრ რძეში შეურიეთ 4 სუფრის კოვზი სახამებელი, კარგად აურიეთ და მიიღებთ მყარ მასას. დაასხით ლაქაზე და დატოვეთ ერთი ღამით, როცა მიღებული მასა გაშრება, მოაცილეთ იგი ლაქიანი ადგილიდან, შედეგი კი ნამდვილად გაგაკვირვებთ.

იგი უსიამოვნო სუნის დამარცხებაში დაგეხმარებათ

საუბარია ფეხსაცმელზე - გსურთ სწრაფად დაძლიოთ უსიამოვნო სუნი? ჩაყარეთ ფეხსაცმელში სახამებელი და დატოვეთ ერთი ღამით, დილით კი მოაცილეთ სახამებელი ფეხსაცმელს და მას უსიამოვნო სუნიც თან გაჰყვება.

აადვილებს დაუთოვებას

თუ არ გიყვართ დაუთოვების პროცედურები, შეურიეთ ორი ჭიქა წყალი და ერთი ჩაის კოვზი სახამებელი ერთმანეთს და დაუთოვების დაწყებამდე სამოსს აპკურეთ, პროცედურა ნამდვილად გამარტივდება.